Aipatutako unerako prestatzeaz gain, programaren helburuak ere dira urrunetik bikote izaten, aita edo ama izaten laguntzea eta maitasuna adierazten laguntzea; familiako kideekin berriz ere komunikatzen ikastea; banatzeagatik zenbaitetan kaltetu diren arauak eta mugak zehaztea; beste herrialde batera emigratzearen esperientziak sortzen dituen aldaketengatik ondorioztatutako egoerei erantzutea eta hezkuntza- eta hizkuntza-sistema berrien ezagutza eta integrazioa erraztea.
Banakako zein taldekako jarduerak
Horretarako programak jarduera batzuk antolatzen ditu, banakakoak edo familiarrak, tartean familia, bikote eta nerabeentzako taldekako eta nork bere buruari laguntzeko tailerrak Jabekuntza Eskolan, Martikoena kaleko 16 zenbakian, larunbatetan 11:15etik 15:15era (abuztuan izan ezik). Orain arte 22 familiek hartu dute 2011ko apirilean martxan jarritako laguntzeko programan.
Programa honen zuzentzaileen kolektiboa 2012an orain arte Bizigarritasun Txostena eskatu duten 31 pertsonen familiek (iazko kopuruaren bikoitza, Vitoria-Gasteiz, Bilbo eta Barakaldoren atzetik) osatutakoa da. Horietatik 25 emakume dira eta gehienak Bolibiakoak, ondoren Filipinar Irletakoak. Bestalde, 2012ko urtarriletik ekainera bitartean, 113 lagunek eskatu dute finkatze txostena gure udalerrian, eta horien artean ugarienak Paraguaykoak eta Bolibiakoak dira.
Berriz elkartzeko prozesuan dauden immigranteen familiei laguntzeko programari buruzko foileto berria kalean da Getxon
Getxoko Udalak berriz elkartzeko prozesuan dauden immigranteen familiei laguntzeko programari buruzko informazio-foileto berria kaleratu du. Eusko Jaurlaritzaren laguntzarekin, Udalak antolatutako programa seme-alabak edota ezkontidea berriz elkartzea erabakitzen duten eta Getxon bizi diren atzerriko pertsonei edo azken urtean bildu direnei dago zuzenduta. Seme-alabak edo/eta ezkontidea berriz elkartu aurretiko prozesuan laguntza emateko eta elkartze hori ematen den lehen unean familiei laguntzeko zerbitzua da, “erronka eta esperientzia berri asko dakartzalako eta garrantzitsua izaten da horiei aurre egiteko prest izatea. Udalerrian harrera jarduerak aurreratzera laguntzen duen prozesua da”, azaldu du Elena Coria Immigrazio eta Kulturartekotasun Unitateko zinegotziak. Laguntzeko programan parte hartzeko izen-ematea udalerriko herritarren arreta bulegoetan egin behar da. Programari buruzko informazio foiletoa udal egoitzetan egongo da eskuragarri eta web gunean www.getxo.net helbidean. Informazio gehiago 944 660 151 telefono zenbakian eta inmigración[abildua]getxo.net helbide elektronikoan. Argazkian, 2011ko abenduaren 5ean aurkeztu zituzten Migratzaileen Nazioarteko Eguneko ekitaldiak Elena Coria Gizarte Zerbitzuetako zinegotziak, Imanol Landa alkateak eta Marco Ramirez Getxoko Etorkinak plataformako presidenteak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun