Txakurrek identifikazio txipa izatea beharrezkoa dela gogorarazteko asmoz, kanpaina abian jarri du Sopelako Udalak, ASAAM elkartearekin eta herriko albaitaritza-klinikekin elkarlanean (Sopelana, Uribe Kosta, Vida Animal eta La Casa del Perro). Uztailean zehar informazioa zabaltzeko karpa bat jarriko da herriko hainbat gunetan, herritarrek txiparen ezarpenaren inguruko informazio gehiago jaso dezaten: uztailaren 14a, larunbata, Larrabasterrako Urgitxieta plazan, 17:00etatik aurrera; uztailaren 21a, larunbata, Jauregizar plazan, 11:00etatik aurrera; eta azkenik, uztailaren 27a, ostirala, udaletxe plazan, 18:00etatik aurrera. Gainera, txakurrak hiriaren bizimodura egokitzeko ikastaroa eskainiko da. Horretaz gain, eskuorri informatibo bat banatu da Sopelako etxe guztietara. Bertan gai honi buruzko informazioa agertzen da: zer da txip bat, nola jar daiteke, zeintzuk dira bere onurak... Era berean, txakur bat topatzekotan edo galtzekotan zer egin behar den azaltzen da. Argazkia: © Urdulizko Udala.
Bestalde, bizikidetzarako heziketa beharrezkoa dela gogoratzen da, eta Sopelan adoptatzeko zain bederatzi txakur daudela informatzen da. Txakur horiek guztiek beharrezkoak diren txertoak dituzte, txipa jarrita dute eta ez dute parasitorik. Adopziorako eta informazio gehiagorako: 946 810 616 eta info[abildua]zaunk.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun