Diru laguntza horiek ematerakoan honako hauek hartzen dira kontuan: proiektuak integralak izatea, euskaran murgiltzea sustatzea, ikasleek ekar ditzaketen hizkuntza-defizitak gutxitzea helburu izatea, ahozkotasuna lantzea eta berritzailea izatea. “Denbora luzerako diren ekintzak; irteerak eta barnetegiak, euskara nagusi den gune soziolinguistikoan jartzen dituztelako umeak; hizkuntzaren menperatze aktiboa eta ahozkotasuna lantzen dituzten ekimenak baloratzen ditugu, besteak beste”, gehitu du Iturbek.
Datorren ikasturtea
Datorren ikasturteari begira euskarari esparru eta funtzio berriak zabaltzen dizkiotelako, eskaerak baloratu dituen epai mahaiak berritzailetzat jo dituen jarduerak Zabala eskolako Gurasoen Elkartearen “Lorategi eta ortu ekologikoa” eta “Zu zeu sukaldari” proiektuak eta San Nikolas ikastolaren “Herritartasuna, solidaritatea eta lankidetza” tailerra izango dira. Aurrekoan martxan jarri eta aurrera egiten segituko dutenen artean Santisima Trinidad ikastetxeko gurasoen elkarteak antolatutako “Mintza praktika tailerra” eta Txatxalin Gobelako guraso elkartearen “Mendiko osagaiak” izenekoa izango dira, besteak beste.
Eskola orduz kanpoko euskarazko 150 jardueretan 35.000 euro banatuko ditu Getxoko Udalak
Getxoko Udalak 35.000 euro banatuko ditu 2012/2013k ikasturtean euskaraz egingo diren 150 eskola orduz kanpoko jardueraren artean. Hizkuntzaren erabilera sustatzea helburuarekin, 11 guraso elkartek aurkeztutako 127 proiektu eta bederatzi ikastetxek proposatutako 23 proiekturen artean banatuko dituzte diru-laguntzak. Orain amaitu berri den ikasturtean diru kopuru berbera hamar guraso elkartek eta zazpi ikastetxek aurkeztutako 129 proiekturen artean banatu da. Horrekin batera, Udalak beste 5.000 euro ere banatuko ditu 15 euskal asteak edo euskararen egunak antolatzeko, aurrekoan 13 izen ziren bitartean. “Pozik gaude datorren kurtsoari begira banatuko dugun zenbatekoa aurrekoan baino proiektu gehiagotara joango baita eta horrek gure ume eta gazteentzat hain garrantzitsuak diren jarduerak urte batetik bestera areagotzen ari direla uzten du agerian” aipatu du Koldo Iturbe Euskara zinegotziak. Argazkian, Lehen Hezkuntzako eskola-umeentzako jarduerak eskaini ohi ditu Getxo Kirolak udal erakundeak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun