Proiektuaren atal hau (etxolaren eraispena eta sarrera berriaren eraikuntza) espazioa irisgarri egiteko eta prozesu parte-hartzailearen emaitzaren irizpideak jarraitzeko ezinbestekoa dela uste dugu; auzolan tailerretan hiri-altzari, ortu eta bestelako eraikuntzak egiteak ez du zentzurik, bukatu gabeko espazioa izango genukeelako eta ez lukeelako prozesuan adostutakoa errespetatuko.
Gure iritziz, prozesu parte-hartzaileek ezin dute mugabarik luzatuak izan, bertan parte hartzen duten pertsonek (talde sustatzailea, talde motorea, auzokideak) borondatez egiten dutelako, berme eta epe batzuen barruan. Hau dela-eta, proiektuaren 3. fasea bertan behera geratzen da, obra gauzatzerik ez dagoela.
Dena den, honek ez du esan nahi proiektua etorkizunean egingo ez denik, Udalak prozesu parte-hartzailearekiko eta bukaerako diseinu-proposamenarekiko adostasuna azaldu baitu. Getxoberpiztu! hasieratik kolaborazioan oinarritutako herritar ekimen irekia izan dela kontutan izanda, talde sustatzailetik prozesu guztiak zehar sortutako materiala biltzeko esfortsua egingo da, berau kontsultatu, berrartu edo erabili nahi duen pertsona ororen eskura jartzeko.
Egoera puntu honetan heldu den arren, esperientzia positiboa izan da eta erreplikagarria dela uste dugu; zentzu honetan engaiatutako pertsonen partaidetza eta dedikazioa eskertu nahi dugu (baita Udalaren barruan jasotakoa). Oraindik ere, espazio publikoaren kudeaketan autogestioa eta administrazio tradizionalaren kudeaketaren erdibideko eredua beharrezkoa eta posiblea dela uste dugu, baina oraindik bide luzea egiteke dagoela ohartu gara.
Beste aldetik, hurrengo ostirala, uztailak 20, arratsaldeko 19:00tan Aldain patronatutan egingo dugun informazio bilerara etortzeko animatzen zaitugu. Han, guzti honen inguruan lasaitasunean hitz egiteko aukera izango dugu.
Proiektuaren helburuetako bat publikoa izan arren urteetan zehar itxita egon den espazio honen balioa azpimarratzea zen. Oraingo honetan espazioaren eraldaketa fisikoa ez da posible izango, baina tokiaren erreaktibazioaren aldeko ekimenak sortzen hasi dira. Adibide moduan, Algortako Gazte Asanbladak gosari herrikoia antolatu du Aretxondo kaleko orubean San Ignazio jaietako programaren barruan (Gazte Egunean). Animatzen dizuegu bertara hurbiltzera eta espazioa eta jendeaz gozatzera.
Getxoberpiztu!
2011ko azaroan abiatutako Getxoberpiztu! prozesu parte-hartzailearen emaitza, Algortako Aretxondo kaleko orubearen eraldaketaren proiektua bertan behera uzten dela jakinarazi nahi dizuegu komunikatu honen bidez. Etxolaren eraispena eta oruberako sarreraren eraikuntza obren gauzatzearekin lotuta dauden Udal kudeaketa arazoak direla medio, proiektua ezin da Udala eta talde sustatzailearen artean adostutako egutegian burutu. Prozesuak espazio publikoaren eraldaketa fisikoa hasieratik biltzen zuela azpimarratu nahi dugu, eta gai honen kudeaketa eta erregularizazioa argitu beharrean nabarmendu du hasieratik talde sustatzaileak. Hala ere, Udalak ez du jakin administrazio prozedurak zegokion momentuan martxan jartzen. Argazkian, txikiek ere lagundu zuten Aretxondorako proiektua diseinatzen / cc-by-nc-sa Getxoberpiztu!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun