Halaber, Udalak eta udalerriko kirol elkarteek beren entrenamendu saioetan eta jendaurreko ekitaldietan euskara sustatzeko sinatutako hitzarmenetan jasotako helburuak lortzeko koordinazio eta aholkularitza lanak egin eta zuzeneko laguntza emango du elkarteak.
Azkenik, aipatu laguntza, eskola orduz kanpoko umeentzako euskarazko jarduerak egiteko bideratuko da ere, Bapiruke egitasmoaren harira. Urtean Bizarra Lepoanek egiten dituen jarduerez gainera, nabarmentzekoak dira herri barruko udako, Aste Santuko eta Gabonetako udalekuak.
Getxoko Udalak 82.800 euroko diru-laguntza onartu du Bizarra Lepoan Euskara Elkartearentzat eta, era berean, lankidetza hitzarmena ere sinatu du elkarte horrekin, euskarazko astialdia sustatzeko GEHI programaren barruan diren egitasmo batzuk aurten garatzeko. “Getxon euskararen normalizazioan Bizarra Lepoanekoak, Udalaren Euskara zerbitzuarekin, azken urteotan egiten ari diren lanari esker, udalerrian erreferentziazko elkartea da euskal kulturaren eta euskararen garapenari dagokionez, hizkuntzaren erabilerak eta suspertzeak izandako aurrerapenean lan nabarmena egin baitute”, azpimarratu du Koldo Iturbe Euskara zinegotziak. Diru-laguntzari jarraiki, Bizarra Lepoanek, Udalak eta Getxoko kultur elkarteek beren jardueretan euskara sustatzeko sinatutako lankidetza hitzarmenak koordinatu, lagundu eta bultzatzeko hitza ematen du: informazioa eskaini, sortzen diren elkarteekin harremanetan jarri, astialdiko begiraleentzako ikastaroak, etab. Argazkian, hainbat lagun Bizarra Lepoanek antolatutako hitzaldi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun