Gauzatu beharreko lanen ekarpen berrien artean bat kultur jarduerak Getxoko BPGan (Barne Produktu Gordinean) izandako eragin ekonomikoaren kuantifikazioa egingo dela da, epe ertainera, 2012-2016 aldirako, izango duen bilakaeraren iragarpenekin, “hau da, kulturgintzan inbertitzen denak gure udalerriarentzat duen itzulkin ekonomikoa identifikatuko dugu”, azaldu du alkateak.
Parte-hartze prozesua
Proiektua prestatzeko prozesuan partaidetza handia izango da. “Horretarako, prozesuaren fase eta une desberdinetan, udalerriko kultur eragileen ekarpenekin kontutako da, besteak beste: jai-batzorde, kultur arloko enpresa, prestaketa-gune, musika-talde, antzerki-talde, dantza-talde eta abarrenekin eta Getxoko kultur arloko beste eragile garrantzitsu batzuekin; sektore soziokulturalaren elkarte-mugimenduarekin eta herritarrekin, udalerriko kultur eskaintzaren erabiltzaile diren aldetik”, adierazi du alkate getxotarrak.
Kultiba enpresa bizkaitarrari 47.000 eurotan esleitu zaizkion lanak bi fasetan gauzatuko dira. Lehenengo fasea irailean hasiko da lan-saio batekin, non udalerriko hainbat kultur eragilek hartuko duten parte. “Lehenengo fase horretan hasierako egoeraren diagnostikoa egingo da, bai barne-mailan bai kanpo-mailan: eskaria, eskaintza, joerak, ekoizpena eta abar”, nabarmendu du Koldo Iturbe Kultura zinegotziak.
Bigarren faseak azaroaren amaierara arte iraungo du. “Bertan zehaztuko da kontzeptualki Getxo Kultura 2012-2016 Proiektua zer izango den, kulturaren sustapenean ildo eta xede estrategikoak finkatuz eta lehenetsiz. Proiektuaren esparru eragilea ere finkatuko da, abian jarri beharreko ekintza-planak zehaztuz, egituratuz eta diseinatuz”, aipatu du azkenik Iturbek.
Getxoko Udalak bere kultura-ekintzaren eredua berrikusi eta eguneratzeko prozesua abiatu du
Getxo Kultura 2012-2016 Proiektua izenarekin, Udalak irailean jarriko du abian Kultur Etxearen eredua, udalerriko kultura-ekintzaren ardatz nagusi gisa, eguneratzeko prozesua. Gauzatuko diren lanak 2012ko urte bukaerara arte luzatuko dira. “Krisiaren aurrean kultura garapen-aukeren artean finkatzea eta Getxo markaren erakargarri kultur ekarpena sendotzea dira Udalak, uztail honetan, Getxo Kultura 2012-2016 Proiektua prestatzeko prozesua abian jartzean planteatzen dituen xedeetako batzuk”, Imanol Landa Getxoko alkateak eskainitako prentsaurrekoan adierazi duenez. Lanak Getxoko Kultur Etxekoren eredua eguneratzera bideratuta daude, udalerriko kultura-ekintzaren ardatz nagusi gisa. Horren funtzionamenduaren azterketa kritikoa egitea da helburua, tokiko kultur prozesuei buruzko guztia xehetasunez ezagutzea, ondorioak ateratzea eta konponbide baliagarriak proposatzea, kulturak Getxon duen eragin estrategikoa, soziala eta ekonomikoa hobetzen laguntzeko. “Proiektu hau egiteko aukera, oro har, kultur arloan, gertatzen ari diren aldaketen harian sortu da, aldaketa horietara egokitzeko beharraren eta tokiko errealitate berriei aurreratzeko beharraren ondorioz, horien artean, ekipamendu berrien hornidura, zeinak epe ertainera herritarren erabilgarri izango diren eta Getxorako kultur garapenerako aukera berriei bide emango dieten”, gehitu du Landak. Argazkian, jazz kontzertua Biotz Alai plazan / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun