Udalak uste du Portuko lekaime zentroa, azken batez, bere helburuak lortzeko Udal Administrazioari laguntzen dion tresna dela eta gizarte ekimenaren lankidetza eta sustapenean kokatuta dagoela, baliabideen ustiapen zentzuzko eta eraginkorra egiten dela.
Aipatu berezko helburuez gainera, hitzarmenaren bitartez Karitatearen Alabek egindako lana goraipatu eta beraiek berez sortutako giza zerbitzuari eusten lagundu nahi da. Hitzarmenak jomugan dituen zerbitzuen funtzionamenduaren segimendua egingo du Udalak.
Algortako Portu Zaharreko Sortzez Garbiaren Zentroko Karitatearen Alabak elkarteak 22.500 euro jasoko ditu Getxoko Udalarengandik. Udalak azaldu duenez, urteko diru-laguntza da kopuru hori, iazko bera. Udalak eta zentroak lankidetzarako hitzarmena sinatu dute aurten, "oinarrizkoak diren beharrei erantzuteko egunezko zerbitzuak eskaintze aldera", tokiko iturriek zabaldu lez. Gizarte-jantokia, dutxak eta garbitegia dira oinarrizko beharrak. Helburua da udal Gizarte Zerbitzuetatik bidalitako pertsonei janaria, garbitasuna eta arropa garbiketa bermatzea. Pertsona horiek aipatu prestazioak jasotzeko prozeduran ezarritako baldintzak bete behar dituzte. Sortzez Garbiaren zentroa irabazirik gabeko xedea duen erakundea da, esku-hartze sozialean eta Getxon bazterketa handiko egoera batean dauden pertsonekiko hurbiltasunaren esparruan jarduera oparoa duena. "Beren zerbitzuekin pertsona haien janari, garbitasun eta jantzi beharra betetzen ari dira. Eta eginbide hori udal Gizarte Zerbitzuetatik garatzen dugun gizarteratze berariazko prozesuaren barruan sar daiteke. Gizarteratze horren jomuga dira etxe gabekoak edo badaezpadako ostatua izanik beren oinarrizko beharrak (ostatua, janaria, jantziak eta oinetakoak) bete behar dituzten lagunak", azaldu du Elena Coria Gizarte Zerbitzuetako zinegotziak. Argazkian, 2009an Getxoko Udalak hitzarmenak sinatu zituen jendarteratzeko xedea zuten zazpi elkarterekin. Ondoren etorri zen mojekiko hitzarmena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun