Euskal Herriko Unibertsitateak (EHU) eskaini dituen plazen %88,46 bete du uztailaren 16tik 20ra, matrikula egiteko lehen astean, alegia. Horrela, dagoeneko 7.338 ikasle matrikulatu dira EHUk eskaintzen dituen 68 graduren bateko lehen mailan. Unibertsitateak jakinarazi duenez, matrikula egiteko lehen aldian plaza guztiak bete dira zenbait gradutan, hain zuzen ere, Jarduera Fisiko eta Kirolaren Zientzietan (mozketa nota: 9,720), Ingurumen Ingeniaritzan (8,630), Bilboko Irakasle Unibertsitate Eskolaren Haur Hezkuntzan (8,300), Ikasketa Ingelesetan (7,030) eta Historian (6,089). Beste hamar titulaziotan ere eskainitako plazak bete dira, baina oraindik ezin dira itxi, ikasle batzuk plazak bete ez dituzten beste titulazio batzuren zain daudelako eta, beraz, aldaketak izan daitezke hurrengo deialdietan. Argazkian, hainbat fakultate.
Matrikula egiteko bigarren aldia astelehen eta astearte honetan da; hirugarrena uztailaren 26an izango da; laugarrena irailaren 3an eta 4an; bosgarrena irailaren 14an; eta seigarrena irailaren 24an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun