Ez dugu ontzat ematen alderdi bakarreko eta politika bakarreko sistema hau. Espainiar estatuan PPk, eta lehenago PSOEk, erabakitzen du kapitalaren mesederako politika, oinarrizko kontu gisa inposatu eta administrazio zein alderdi politiko guztiei betearazten die. Hau ezin da onartu. Men egitea politika alternatiboari eta gizarteko orekari uko egitea litzateke. Men egitea kolaboratzea litzateke. Eta ELAren iritziz men eginez gero ez dago alternatibarik.
Berriro diogu: egoera soziala hain larria delarik, erantzuteko modu bakarra ez obeditzea da. Burujabetza eta autogobernua aldarrikatzeak, garai berean PPren erabakiak aplikatzen badira, proposamen politikoa bat ere sinesgarria ez izatea dakar. PPren legeek oinarritzat injustizia duten heinean, desobedientzia bihurtzen da bide bakarra; gaur bertatik desobeditzea. Zera soziala hankaz gora botatzen dutenean, subiranotasun edota autogobernuaren defentsa gauzatzeko modu bat dago: erabaki horiek goitik behera arbuiatzea. Orain ez bada, noiz?
Euskal Herriko alderdi eta administrazio guztiei exijitzen diegu, bakoitzak dagokion erantzukizun-esparruan, ez dezatela agindutakoa bete eta urratsak egin ditzatela solidaritatea oinarri duten beste politika baterantz.
ELA sindikatua
ela-sindikatua.org
ELA: "Hain injustizia larriaren aurrean desobedientzia eskubidea gure subiranotasun kontzeptuaren osagai bat da"
Egoera ezin larriagoa bizi dugu. Eta argi dago ez digula guztioi berdin eragiten. Diru-gosez jokatzen dutenak, politika beren mende dutenak, pozez gainezka daude: enpresa handiak eta bankuak zorioneko dira; euren zor pribatuak publiko bihurtzen dira, eta gobernuek erabaki dute ordaindu egingo dituztela, horretarako eskubide sozial zein laboralak txikituz eta zerbitzu publikoak pribatizatuz. Euren interesen alde, Europako eta espainiar estatuko botere politikoak sistema bat eraiki du, injustizia legezko bilakatzeko. Horrela “legea bete beharra” argudia dezakete. Beti izan da horrela. PPren aginduei men egitea, ikusten ari garenez, ekonomia erreala hondatzen, langabeziaren eta pobreziaren hazkundean laguntzea da. Argazkian, gaurko elkarretaratzea Getxoko PPren egoitzaren aurrean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun