"Gogoratu bai Landak, bai bere taldeak jaitsi zituztela aurretik beren ordainsariak eta gainera 2008az geroztik bere horretan mantentzen dituztela", aipatu dute udal arduradunek. Alkateak adierazi du neurri horrek bat egiten duela pasa den ostiralean Iñigo Urkullu EAJko EBBeko buruak azaldutakoarekin, hain zuzen ere, egungo egoeran kargu politikoek jaso beharrekoei dagokienez.
Landak azaldu duenez, "jaitsiera Espainiako Gobernuak 20/2012k Dekretuaren bitartez aurreikusitako murrizketa- neurrien ondorioz helduko dela. Horretan funtzionario publikoen soldaten murrizketa ezartzen da, Gabonetako ez ohizko ordain saria kentzean. Esan gainera zinegotziek ez dutelako inolako ordain saririk jasotzen, eta horregatik alkateak hartu du aipatutako neurria".
Landaren eta bere taldearen jaitsieraren ondoren, Alkateak irizpide hori gainontzeko udal talde politikoei igorriko die eta zein erabaki hartzen duten galdetuko die, behar bezalako neurriak hartzeko.
Murrizketak langile zein zerbitzu pubikoei "ahalik eta kalte gutxien" eraginez aplikatzen saiatuko da Getxoko Udala
Imanol Landa Getxoko alkateak erabaki du bere soldata murriztea; baita gobernu taldeko zinegotziena, aholkulariena eta EAJ alderdiaren laguntzarako langileena ere. Hilabeteko ordain sari bat ez kobratzeko konpromisoa suposatzen du erabakiak; 65.000 euro, alegia. Udal agintariak Espainiako Gobernuak onartutako murrizketekin bere desadostasuna agertu du eta nabarmendu du “ez dela logikoa ezta justua ere egoera desberdinetarako neurri berdinak ezartzea”. Langile publikoei murrizketa ezartzeari dagokionez, alkateak adierazi du Udaleko zerbitzu juridikoak aztertzen ari direla Dekretua “legez indarrean jarri behar diren neurriak, dugun margenaren barruan". "Langileentzat eta zerbitzu publikoetarako ahalik eta kalte gutxien suposatzea saiatuko gara”, gaineratu duenez. Argazkian, Imanol Landa Getxoko alkatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun