Adimen-Ezgaitasuna duten pertsonentzako Elkarteak Astia eta Giza Partaidetzako Zerbitzua eskaintzen du, eta baita Laguntza eta Familien atsedenerako Zerbitzua ere, adimen-ezgaitasuna duten pertsonen gizarteratzean eta familiei beren bizitza proiektuan laguntzeko helburuarekin.
Bestalde, Gurutze Gorria elkarteak aurreikusita dituen jarduerak ezintasuna duten pertsonei beren astirako garraio sistema egokitua eskaintzera zuzenduta daude.
APNABI elkarteak aipatutako gaixotasuna duten pertsonei laguntza eskaintzeko jarduerak antolatzen ditu, familiei laguntzeko, astia edo kontsultako programen eta eguneko arreta zentroen bitartez.
Azkenik, Sindrome Down Fundazioak tratamendu globala eskaintzen du, adimen-ezgaitasuna duten pertsonentzat, hainbat tailerren bidez, esate baterako, fisioterapia, logopeda edo laguntza psikopedagogiakoak…. eta baita familiak laguntzeko ere.
Gizarte Zerbitzuekin kolaboratzen duten hainbat elkarteren artean 129.500 euro banatu ditu Getxoko Udalak
Getxoko Udalak Gizarte Zerbitzuekin kolaboratzen duten hainbat elkarteren artean 129.500 euro banatzea onartu berri du. Hain zuzen ere, Uribe Kosta elkarteak 62.500 euro jasoko ditu; Gurutze Gorria elkarteak 46.250 euro; autismoak kaltetutako umeen guraso elkarteak, APNABIk 15.000 euro eta Sindrome Down Fundazioak 5.750 euro. “Diru-laguntzek aipatutako elkarteei lagundu nahi diete beren eguneroko beharrean, interes publikoko, sozialeko eta giza jardueretan lan egiten dutelako, hau da, herritar getxotarrengan eragina duten jardueretan”, nabarmendu du Elena Coria Gizarte Zerbitzuetako zinegotzi arduradunak. Argazkian, Coria, eskuinean, iazko boluntariotza sarietan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun