Praktiketako denboraldian, urte batez, tutore batek eta gainbegirale batek kontrolatuko ditu agenteak, eta beraien aspektu desberdin batzuk kontuan hartuko dituzte, tartean, baloreak, jarrerak, gaitasunak eta abar. Praktiketako epea gainditzen dutenak karrerako funtzionario izendatuko dituzte. Keltse Eiguren Udaltzaingoko zinegotzi arduradunak aipatu du “langile horiek hasteak kalean poliziaren presentzia areagotzea ekarriko du eta udaltzainak auzokideengana eta merkatariengana gehiago hurbilaraztea ere, eta ziurrenera hori zerbitzuaren onerako izango da”.
Polizia laguntzaileak kendu eta 16 udaltzain berri jarri dituzte Getxoko kaleetan
Getxoko Udaltzaingoaren lanetan 16 agente hasi ziren uztailaren 30ean, Arkauten heziketa ikastaroa amaitu eta 23 lanpostu betetzeko lehiaketa-oposizioa gainditu ondoren. Hasi berri diren 16 agenteak lanean ari dira, pasa den ostiralean, uztailaren 27an, postu horretako funtzioak betetzen ari ziren 11 polizia-laguntzailek zerbitzua emateari utzi ondoren. Horrela, hautaketa prozesua gainditu eta Poliziaren Euskal Akademiaren heziketa ikastaroa gaindituta zuten 6 agenteei gehitzen zaizkie udaltzain berriak. Horiek martxoaren 7an bertan hasi ziren zerbitzua ematen, praktiketako funtzionario bezala ere (lau Herritarren Segurtasuneko taldetan eta beste biak Trafikoko Unitatean). Beste agente batek, azken orduan sartu zenez zerbitzuan, ezin izan zuen Arkauteko ikastaroa egin eta horregatik datorren irailean egingo du, udal iturriek azaldu dutenez. Argazkian, Getxoko udaltzain bat, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun