Ildo horretan, aipatu du "Getxoko Udalak esparru publikoen erabilera bultzatu duela hiria erabiltzeko eta gozatzeko hartutako hainbat neurriren bitartez, aintzat hartuta eremu publiko horien erabilerak aberastasuna eta eragin ona sorrarazten dituela ostalaritza eta merkataritzako sektoreetan".
Betebeharrak
Udalak gogoratu du terraza ipintzeko baimenak zenbait betebehar dakarrela, hala nola, Udalak zigilatutako terraza ipintzeko planoa lokalaren barruan ondo ikusten den lekuan jartzea eta Udaltzaingoari erakustea, hala eskatzen duenean. Horrez gainera, ezin dira gainditu baimendutako okupazioko mugak. Okupazio horrek aretoa mugatzen duten alboko babesgarriek mugatuta izan beharko du. Era berean, zorua, instalazioa eta elementu osagarriak garbitasun-baldintza ezin hobeetan mantendu beharko dira. Aipatutako baldintzak ez betetzeak zigorrak eragingo dituela.
Udalerriko ostalaritzako terrazetan ikuskapen-bisitak egiten hasiko da Getxoko Udala. Kaleko terrazak ipintzeko lizentziak berriz aztertuko ditu, zein egoeratan dauden eta zuzen erabiltzen diren begiratuko da, tokiko iturriek adierazi dutenez. Halaber, zabalik egoteko duten ordutegia betetzen duten ala ez egiaztatuko du. Ordutegia 09:00etatik 23:00ak artekoa da, baina ostiraletan, jai-bezperetan eta udaldian (ekainaren 1etik irailaren 30era arte) ordubetez luza dezakete ixteko ordua. Udal jarduera horren helburua, Keltse Eiguren Barne Erregimen Arloko zinegotziak adierazi duenez, "esparru publiko baten erabilera pribatua eta herritarrek ibili ahal izateko eremu publiko bat erabiltzeko duten eskubidearen arteko oreka lortzea da". Argazkian, terraza bat Algortan / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun