Gaur arratsaldean egin dituzte Erredentore elizan, atzo, igandea, Palentzian izandako auto istripuan zendutako I.A.C. 12 urteko algortarraren hileta elizkizunak. Ezbeharren hiru adingabe eta beste hiru heldu hil ziren, seiak zihoazen furgonetak istripua izan ostean. Esan bezala, hildako bat 12 urteko mutiko algortarra izan da. I.A.C. Furgoneta bidetik atera eta Gaztelako ubidera erori zen, Naveros de Pisuerga parean. San Llorente del Paramoko jaietatik bueltan zetozen eta atzeko ibilgailuan senitarteko gehiago zeuden. Bizilagunek kontatu dutenaren arabera, bigarren kotxean hildako mutikoaren ama zegoen eta korrika uretara bota zen, baina ezin izan zuen inor bizirik atera. Biktimek Zarzosa del Rio herrian pasatzen zuten uda. 20 biztanleko herri txikia da, baina udan senitartekoak joan ohi dira, horien artean hildako sei lagunak. Argazkian, auto istripu bat artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun