Sutea izan zen atzo Recypilas SA enpresak Erandioko Asua auzoan duen lantegian. Garrek pilak eta bateriak birziklatzen dituen enpresako lehen solairua erre zuten. Bertako biltegian ziren birziklatu gabeko litiozko pilak hondatuta gelditu ziren, ke handia sortuz. Horren ondorioz, kalte materialak handiak izan dira sozietateko egoitzan. Zorionez, enpresan ez zen inor zauritu, enpresako langileek abisua eman eta bertan zeuden behargin guztiek enpresatik onik ateratzea lortu baitzuten. Era berean, sutea ez zen bigarren solairura iritsi, suhiltzaileen lanari esker. Bizkaiko Foru Aldundiko suhiltzaileek adierazi dutenez, sutea goizeko 10:15ean piztu zen, Harrobi kaleko industria-nabe batean. Sutea kontrolpean lotu zuten 13:00etan. Orain nola piztu zen ikertzen dabiltza. Argazkian, suhiltzaileak Itzubaltzeta / Romon izandako sute baten artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun