Bihartik ostegunera, EHUko Koruak Eslovenia, Txekiar Errepublika eta Italiako beste abesbatza batzuekin arituko da irailaren 22ra bitartean Sardiniako hainbat herritan ospatuko den Festival Internazionale di Musica Vocale Concordia Vocis jaialdian. Enrique Azurzaren zuzendaritzapean, EHUko abesbatzak Esloveniako Krog Ganbara Koruarekin, Txekiar Errepublikako Vocal Ensemble Gentlemen Singers eta Italiako Complesso Vocale di Nuoro, Coro Femminile "Eufonia" di Gavoi eta Coro di Iglesias abesbatzekin konpartituko du eszenatokia. Concordia Vocis jaialdiak 1992an hasi zuen bere ibilbidea eta aurten XXI. edizioa beteko du. Urte guzti horietan zehar, uda sasoiko musika polifonikoaren zaletuentzako ezinbesteko topagunean bihurtu da jaialdi hau. Lau astetan zehar hamar kontzertu eskainiko dira Sardinian musika polifonikoa sustatzeko asmoarekin. EHUko Koruaren emanaldiak bihar, etzi eta etzidamu izango dira, Cagliariko Sant'Agostino elizan, Tortoliko Sant’Andrea katedralean eta Gavoiko San Gavino Martire elizan, hurrenez hurren. Argazkian, EHUko abesbatza artxiboko irudi batean / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun