Poliziek "bereziki" zainduko dituzte alkohola saltzen duten lokalak, adingabeei alkoholdun edaririk ez saltzeko. Jaietan "garrantzi berezia" izango duten trafikoan eta substantzia estupefazienteen kontsumoen kasuan, horien "prebentzioa eta zehapena" bereziki zainduko ei dute.
Udaltzaingoak eta Ertzaintzak jaietan parte hartuko duten guztiei ohartarazi nahi die zorroak eta norberaren gauzak ondo zaintzeko, jaietako ekitaldietan eta kontzertuetan jende ugari bilduko denez lapurretan ibiliko den gaizkile kopuruak, zorro-lapurrak... gora egingo duelako.
Halaber, ondo zainduko dute alkatearen dekretuz ezarritako ordutegiak betetzen diren, "jaiez gozatzeko aukera eta herritarren atseden hartzeko eskubidea bateratzeko ezarri baitira" ordutegi horiek.
Gaur eta igandea bitarteko Altzagako jaietan edo Sanagustinetan Ertzaintzak eta Erandioko Udaltzaingoak elkarrekin "segurtasuna bermatzeko dispositiboa" jarriko dutela iragarri du Herrizaingo Sailak. Udaltzaingoak eta Ertzaintzak "istripuak saihesteko eta erabiltzaileek jaiez behar bezala gozatzeko aukera" emango duen dispositiboa jarriko ei dute, Eusko jaurlaritzak azaldutakoaren arabera. "Herritarren segurtasuna bermatze aldera", operatiboak izango dituen lanak, besteak beste, zaintza-operazio gehiago egitea lirateke; ''zorro-lapurren'' agerpena txikiagoa izan eta liskar eta eraso gutxiago egotea lortzeko asmoz. Gauzak horrela, bai Ertzaintzak bai Erandioko Udaltzaingoak polizia gehiago jarriko dituzte jaietan. Hots, polizia-patruilak egongo dira, uniformez nahiz kalez jantzita, jaietako esparru barruan eta inguruetan eta Erandioko metroaren geltokian. "Horrela istiluak eta erasoak saihestuko dira", dio Herrizaingo Sailak. Argazkian, Erandioko Udaltzaingoaren auto bat artxiboko irudi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun