Esan bezala, atzokoa ez da Getxoko familia horren aurka egin den lehenengo erasoa. Aurrekoetan jasotako isiltasun eta babesgabetasun getxoztar batek –eta euskal herritar batek oro har– jasan beharko lukeen azkena izan dadin lan egitera deitzen diegu udal ordezkariei, getxoztarrei eta jendearte osoari.
Era berean, Getxoko Bildutik Gernikako Akordioaren markoaren barruan gatazka politikoa gainditzeko lan egiteko konpromiso sendoa berrezten dugu.
Getxoko Bildu
Pasa den abuztuaren 26tik 27rako gauean, iluntasunak ezkutatuta, ezezagunek Goikoetxea Basabe familiaren etxeko kanpoaldeko harresian pintada bat egin zuen zeinetan “Aquí nazis” idatzita zegoen. Ez da lehenengo aldia familia horrek horrelako erasorik jasan duenik; izan ere, duela hiru urte (2009ko uztailean), ustez Falange y Tradicion talde ultraeskuindarrak baserria erretzen saiatu eta Zigor semearen aurka heriotza mehatxuak idatzi zituen. Getxoko familia horrek jasandako eraso berri honek baztertu nahi ditugun aurreko garaietara eramaten gaitu, gerra zikin eta jazarpen politikoaren kapitulu ilunenetara hain zuzen ere. Argazkian, ezkerrean, Goikoetxea eta Basabetarren aurkako pintaketa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun