Gauzak horrela, besteak beste, Iñaki Goirizelaia EHUko errektorea, Begoña Ochoa Eusko Jaurlaritzako Politika Zientifikoko zuzendaria eta Miren P. Cajaraville EHUko katedradun eta Europako Fisiologia eta Biokimika Konparatuen Sozietateko egungo presidentea arituko dira inaugurazio ekitaldian.
Hasierako hitzaldiak nazioartean entzutetsuak diren zientzialari bik emango dituzte: George Somero (Stanford Unibertsitatea) eta Hans-Otto Portner (Bremerhavengo Alfred Wegener Institutua). Biek hitz egingo dute beroketa globala, hipoxia eta ozeanoen azidotzearen aurreko moldarazpen biokimikoari buruz. Gonbidatutako beste hizlari batzuk honako hauek dira: Charles Tyler (Exeter Unibertsitatea), ingurumenaren kutsatzaile batzuek sexu hormonak mimetizatuz jokatzen dutela deskubritu zuen lehen zientzialarietako bat; Gary Ankley (Estatu Batuetako Ingurumenaren Babeserako Agentzia), kutsatzaileen eta sistema endokrinoaren arteko interakzioan aditua; Bruce Blumberg (Irvine, Kaliforniako Unibertsitatea), gizakietan lipidoen metabolismoarekin lotutako gaixotasunak azaltzeko teoria obesogenikoa proposatu zuena; Doris Au (Hong Kong-eko Unibertsitatea), patologia zelularrean eta estresaren aurreko sistema immunologikoaren erantzunetan aditua eta Hong Kong-en ingurumenaren kalitatearen estandarrak ezartzeko arduraduna; eta Nico M. Van Straalen (Amsterdamgo Unibertsitatea), lurretako hainbat bizidunen genoma aztertuz estresaren aurreko moldarazpen mekanismoak deszifratzen dabilena.
1978an sortu eta 2007an berritua izan den Europako Fisiologia eta Biokimika Konparatuen Sozietatea Fisiologiaren eta Biokimikaren arlo konparatuetan interesatuta dauden zientzialariei irekita dago, enfasi berezia eginaz prozedura fisiologiko, zelular, biokimiko eta molekularren ingurumeneko faktoreen integrazioan. Sozietatearen azken kongresuak Ravennan (2008), Innsbrucken (2009) eta Alessandrian (2010) burutu dira.
Plentzia bisitatuko du ostegunean Europako Fisiologia eta Biokimika Konparatuen Sozietateak
Datorren ostegunean, irailak 6, Plentziako itsas ingurumenaren ikerketarako zentro berria bisitatuko dute Europako Fisiologia eta Biokimika Konparatuen Sozietatearen 200 bat adituk. EHUk jakinarazi duenez, igande honetan abiatuko da Bilboko Bizkaia Aretoan nazioarteko elkarte horren 28. kongresua, "kutsadura eta klima aldaketa bezalako inguruko estres anizkoitzen aurrean moldarazpen fisiologikorako zelulen eta molekulen mekanismoak aztertzeko" asmoz. Eremu horretan ikertzen dabiltzan emaitza berriak aurkeztuko dituzte 20 herrialde desberdinetako 200 aditu inguruk. Kongresua Plentziarako bisitarekin amaituko da, baina aurretik, hamabi saiotan, hainbat hitzaldi entzuteko parada izango dute. Argazkian, Plentziako Itsas Estazioaren inaugurazioa 2011ko otsailaren 7an / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun