Kontzertua omenaldi bizia da, eta Leteren lana ikuspegi desberdin eta berritzaileetatik ezagutzeko aukera ematen du, haren abestiak bakarka nahiz taldeka abestuko dituzten musikarien ahotsen eta estiloen bitartez.
Goizeko saioa
Azken eguneko musika egitarauak Suyana (Aretako Xake plazaren ondoko aparkalekua, 12:30ean) talde boliviarraren saioa ere hartzen du. Taldekideek bere herriko musika-tresna tipikoak erabiltzen dituzte, hala nola charango-a, quena eta zampoña, eta gitarra eta baxu elektrikoak bezalako tresna modernoekin nahasten ditu. Horrela, tradizioetan oinarritutako fusio-musika sortzen dute, baina bestelako eraginei uko egin gabe.
Bihar ere, zenbait jarduerez gozatzeko azken aukera izango dute bisitariek, esaterako Gune Solidarioa eta Munduko Eskulangintzen Azoka. Halaber, Munduko Terrazan herri anitzeko jakiak dastatu ahal izango dira. Azkenik, Eskoziako, Galiziako eta Boliviako kale-bandek desfilea egingo dute 19:00etatik aurrera, Areetako Eskoletako plazan hasita.
Era ezin hobean esango du agur bihar Getxo Folk Nazioarteko Jaialdiak "Sortuko dira besteak" izeneko saioaren eskutik. Kontzertu horretan omenaldia egingo diote euskal poesiaren eta egile-abestiaren pertsonaiarik garrantzitsuenetako bat, Xabier Leteri, hain zuzen ere. Areetako Xake plazan izango da kontzertua, 20:00etatik aurrera, eta bertan genero eta estilo anitzeko artistek parte hartuko dute. "Sortuko dira besteak: Xabier Lete gogoan" ez da ohiko omenaldi bat. Izan ere, kontzertu bitalista da oso, eta laguntasunerako eta elkartruke musikalerako aukera ematen du. Zaleek "Xalbadorren heriotzan" eta "Nik ez dut amets handirik" bezalako abestiak berraurkituko dituzte, baina bertsio berrituetan. Omenaldiak euskal kulturaren artistarik garrantzitsuenetako batzuk bilduko ditu, oso genero eta estilo anitzekoak. Horrela, Mikel Urdangarin eta Petti kantautoreak, Arantxa Irazusta mezzosopranoa, Eñaut Elorrieta (Ken Zazpi) eta Alex Sardui (Gatibu) abeslariak eta Amets Arzallus bertsolaria arituko dira, besteak beste. Argazkian, ikuskizuneko artxiboko irudia / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun