Euskal Herria Eguneko kartela (jpg)
Badirudi lainoek eguzkiari lekua utzi eta larunbatean Euskal Herria Eguna ospatzeko dena izango dutela alde Algortan. Bazkariko tiketak salgai daude oraindik ere. Baina gaur da azken eguna, Ajuria, Saniko, Katilu edo Amnistia tabernetara hurbiltzeko. Egunean bertan ere erosteko aukera izango da: 10 euro besterik ez dira eta menu goxoa dago, antolatzaileek adierazi dutenez. Lizarra, Ibarra eta Algorta arteko senidetzea sorpresaz beterik dator. Ohartxo bi soilik: algortarrak arrantzalez jantzita agertu beharko dira eta denek bainujantzia eraman. Goizeko 10etan Algortako Portu Zaharrean hasiko dira anai-arreba berriei egingo dieten harrera bereziarekin. Hortik aurrera, hamaiketako goxoa, olinpiadak, finala Portu Zaharrean, poteoa-elektrotunarekin... eta sorpresak! Dana Ama bakarraren seme-alabok senidetzen garela ospatzeko! Argazkian, iazko Euskal Herria Eguna Ibarran.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun