Edozelan ere, EAJ-EB-k errealitatea bestelako gauza bilakatu nahi izan arren, haiek eginiko inbertsioek EAJ-EB-ren benetako izaera salatzen dute. Alde batetik, kinka larrian zuritutako euskara ikasteko 13.000 eurotako diru-laguntza urria ematea ahalegin ederra egitea pentsatzen duten bitartean, bestetik Pinosolo aferean ustezko iruzurra egitearren susmopean dauden enpresei lau milioi eurotako ordainketa egitea udalari dagokion benetako beharra gisari deritzote. Horretaz gain, eta “xahutzea versus murrizketak” horretaz jabe izan gaitezen, zentzugabekeria hutsa da Eneko Arruebarrena Alkateak leioaztar guztiona den aurrekontuez baliatzea komunikazio pertsonalerako aholkularia izateko 60.000 euro ordaindu izana, eta Leioa osorako (30.000 biztanle) hizkuntza-normalkuntzarako urria eta iraingarria den 13.000 eurotako euskara ikasteko diru-laguntza ematea.
Ez dago zalantzarik Leioako Udaleko gobernu taldeak duen hizkuntza politika makalak ez duela ezer ikusirik kinka larriarekin. Leioako EAJ-EB-ren hizkuntza politika makal hori talde politiko bakoitzaren lehentasun eta balore- eskala batean datza, hots, norberak norantz bideratu nahi du beraren inbertsioa. Jakin badakigu kontu hau aspalditik datorkigula.
Euskararik gabeko Leioa, gorringorik gabeko arrautza!
Leioako Bildu
Leioako Udaleko Gobernu taldeak, EAJ-EB-k, hizkuntza-normalkuntzaren bidean urrats tinko eta sendoak emateko uste du nahikoa dela euskara ikasteko 13.000 eurotako diru-laguntza ematea. Leioa herriak 30.000 biztanle izanda, 13.000 eurotako emandako diru-laguntza hori hutsaren hurrengoa dala dugu argi. Inori ez dio ihes egiten hizkuntza-normalkuntzarako politika ona egiteko aurrekontuetan adierazitako borondate politikoa oparoa ez dala eman beharreko urrats bakarrak, baizik eta benetako hizkuntza-normalkuntza bati heldu nahi baldin badiogu aurrekontuetatik baino haratago joan beharra dugu. Hain zuzen, hizkuntza-normalkuntzari heltzeko euskaraz normaltasunez eta jatorraz aritu ahal izateko ingurune bat sortu behar dugu. Hortxe dago koska, hau da, horrelako ingurune bat sortu nahi ez duena, aurrekontuetatik baino haratago joan nahi ez duena, eta euskararen normalkuntza eskumen gisa baino ez duena ikusten, herri honekiko beharra eta konpromiso gisa ikusi beharrean, inoiz ez du diru-laguntza gehiagorik emateko beharrik igarriko bere baitan. Argazkian, Isabel Garcia EBko zinegotzia eta Eneko Arruebanerra Leioako alkate jeltzalea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun