Atzo abokatu bat, preso bat eta senide bat; baina gaur hamar gazte hernaniar epaituko dituzte Auzitegi berean, eta ostiralean Lekeitioko beste zazpi, denak ere beren jendaurreko jardun politikoagatik eta prozedura makur beraren menpean: atxiloketa, bakartuta egindako deklarazioa akusazioaren froga nagusi dela, kartzela eta epaiketa, hainbat urteko zigorra jasotzeko arriskuan. Bada garaia epaiketa politikoak bukatzeko, batez ere, inoiz hasi behar izan ez zutelako.
"Gara" egunkariak gaur argitaratutako artikulu editoriala
[© Gara.net] Abokatutzan hogeita zazpi urtez jardun ondoren, Iñaki Goioaga akusatuen aulkian eseri zen atzo Gorka Garcia Sertutxa presoarekin eta Ana Paz senidearekin batera. Huelvako espetxetik ihes egiteko plana prestatzea egotzi diete; horren frogarik bat ere gabe, ordea, atxilotutakoan akusatuek bakartze egoeran egindako adierazpenak izan ezik, atxilotuek torturak salatu zituzten arren. Maiz, maizegi errepikatzen den prozedura da, euskal herritar asko espetxera eraman dituena. Kriminalizazioa ez baita taktika berria, eta oraindik ez da amaitu. Edozein garaitan bidegabea bada ere, Estatu espainolak Euskal Herrian ezer aldatu ez balitz bezala jarraitzen du euskal presoen aurkako era guztietako erasoei eutsita, edo batzuek gatazka konpontzeko hainbat pauso eman dituztelako, hain zuzen. Alegia, horrelako epaiketak abiatutako prozesua oztopatzeko tresna gisa erabiltzeko ahaleginaren erakusgarri dira. Argazkian, 2009ko ekainaren 13a, atxiloketen egunean, Algortan egindako manifestazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun