D) Aipatutako bilera 2012. urteko apirilaren 26an gertatu zen, Sopelako Udalaren eta Bizkaiko Foru Aldundiaren artean. Horren ostean, 2012. urteko maiatzaren 7an, Sopelako Udalak beste jakinarazpen bat igorri zion Bizkaiko Foru Aldundiari, hainbat foru errepidetan neurriak har zitzan. BI-634 errepideari dagokionez: "Larrabasterra auzoaren sarreran, honakoak ezartzea: gaineko zeharbide bat, argi- seinaleztapena, abiaduraren adierazleak e.a.".
E) Foru Aldundiaren erantzuna Udalari errepide horren jabetza eskaintzea izan zen. Eskaintza hori aztergai dago egun Sopelako Udalean.
Sopelako Udala, udalerria igarotzen duten foru errepideen arriskuaz ohartarazirik, Bizkaiko Foru Aldundiaren eskura dago erakundeen arteko hartu-emanetik konponbideak bilatzeko eta aipatutako errepideetan pertsonen segurtasuna babesteko beharrezkoak diren neurriak hartzeko.
Sopelako Udala: "Larrabasterrako BI-634 foru errepidean gertatutako istripuaren aurrean"
Herenegun, irailak 18, Larrabasterrako BI-634 foru errepidean, oinezko batek bizia galdu zuen auto batek harrapatu ostean. Horren aurrean, Sopelako Udalak honakoa adierazi nahi du: A) Sopelako Udalak bere dolumina adierazi nahi du herritar honen heriotzagatik, eta bere senideei bere babesa agertu nahi dio. B) Aipatutako BI-634 errepidearen jabetza Bizkaiko Foru Aldundiarena dela. C) Sopelako Udalak hainbatetan egin diola eskaera Foru Aldundiari errepide horretan bide- segurtasun neurriak hartzeko. 2011. urteko abenduaren 30ean, Saioa Villanueva Sopelako alkateak honako jakinarazpena helarazi zion Aldundiari: "BI-637 eta bere luzapena den BI-2122 errepide foralek urbanizatuta dagoen Larrabasterra auzoa zeharkatzen dute, hain zuzen ere, auzokideentzat herriko beste kale bat gehiago da, Loiola Ander Deuna deitutakoa. Errepide honetan, abenduaren 23an, auto batek oinezko bat harrapatu zuen semafororik gabeko pasabide batean, eta istripua larritasun handikoa ez bazen ere, zerbait larriagoa gertatu baino lehen, errepide honi buruzko neurri zehatzak hartzea beharrezkoa ikusten dut Udal honek hainbat gabezi ikusten baititu: oinezkoen zeharbide gutxi, semafororik gabeko zeharbideak, auto askoren gehiegizko abiadura e.a. Suertatu diren istripuak eta dauden arriskuak ekidin nahian, behar beharrezkoa ikusten dut bilera bat lehenbailehen gauzatzea". Argazkian, Sopelako Udal Gobernua / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun