Ertzaintzak 17 urteko mutiko bat atxilotu zuen asteartean Getxo udalerrian, 84 urteko atso bati indarrez tira eginda urrezko katea lapurtzen saiatu zelakoan. Herrizaingo Sailak zabaldutako bertsioaren arabera, lapurreta pasa den uztailaren 9ko arratsaldean izan zen. Egun hartan, bi gazte Neguriko metro geltokiaren inguruetan zebilen emakume adindu batengana hurbildu eta lepoan zeraman urrezko katea kendu zioten tiraka. Horren ondorioz, biktima lurrera erori eta lesio arinak pairatu zituen aurpegian eta hanka batean. Ertzaintzak, hainbat ikerketa egin ondoren, lapurretako bat identifikatu ei zuen, ustez herenegun Getxo udalerrian atxilotutako mutikoa. Bertsio ofizialaren arabera, gazteek biktima jazarri zuten Algortatik eta bere atzean egin zuten bidaia metroan Neguriraino, lapurtu zuten tokian. Bestalde, atxilotutakoak uztailean Sopelan bi motxila ebatsi zituenetz ikertzen dabil Ertzaintza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun