"Leioa auzo hiria” lelopean aurten udalerriko auzoak eta hiritarrak konektatzeko ideiak bilatuko dituzte. Urtero bezala, ibilbidean auzo berriak sartzen saiatu dira eta horrela, Ikea Menditik eta Ibaiondotik igaroko dira, besteak beste. Ibilbidearen bukaera, berriz, Euskal Etxeen plazan izango da. Bertan Leioako Merkatarien Elkarteko dendetan erosteko hainbat txartel zozketatuko dira. Parte hartzeko ezinbestekoa izango da ibilbideko pase guztiak jaso izana eta horien trukean postontzi batean sartu beharko den txartela eskuratzea.
Sare sozialeei leku eginez, aurten #leioaoin etiketa erabili dute mezu eta argazkiak Twitterren partekatzeko. Irteeran “Nik konektatuko zaitut” izeneko stand bat izango da telefonoan internet daukatenek euren Twitterra beste pertsonen eskura jarri ahal izateko modua eskainiz.
Larunbat honetan, irailak 22, Leioa Oinezkoen Pausura Hiritarren VIII. Ibilaldia egingo dute, Herriguneren ekimenez. Jada klasikoa den ibilaldi horren bitartez, elkarrekin "goiza pasatzeko aukera ederraz" gozatu eta udalerriko kaleek oinezkoei segurtasunez eta lehentasunez ibiltzeko aukera ematen ote dieten behatuko dute parte-hartzaileek. Izan ere, "autoen erritmoaren ordez, Leioak oinezkoen erritmoa har" dezan nahi dute antolatzaileek. Ibilaldian parte hartzera deitu du Herrigunek, "zenbat eta jende gehiagok parte hartu, handiagoa izango delako Leioari erritmoa markatzeko izango dugun gaitasuna". Aholkua ere eman dute eramateko gauzei buruz: "oinetako erosoak, kapela (edo euritakoa), ur botilatxoa eta boligrafo bat zuon iradokizun eta komentarioak jasotzen jarraitzeko". Ibilbidea Sakoneta kiroldegitik abiatuko dute goizeko 11etan eta Euskal Etxeen plazan amaituko dute 13:30ak aldera. Argazkian, aurreko edizioaren irudi bat / cc-by-nc-sa Herrigune.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun