Erietxe eta osasun etxeei dagokienez, jai egunetan egon ohi diren langile kopurua. Larrialdietako zerbitzuetan eta etengabeko arreta guneetan, berriz, zerbitzu guztiak eman beharko dituzte. Ospitale geriatrikoetan eta mendetasunen bat duten pertsonak artatzeko zentroetan, jai egunetako behargin kopuru berdina egon beharko da gutxienez. Eguneko zentroetan, berriz, lan egunetako beharginen erdiek jardungo dute lanean. Bazkalorduan, %10 haziko da gutxieneko zerbitzua.
Larrialdietako zerbitzuek (SOS Deiak, suhiltzaileak eta abar) jai egunetan bezala aritu beharko dute lanean. Azkenik, udal hilerrietan, lur emateko eta errausteko beharrezkoak diren pertsonak, soilik egunean bertan hobiratzea eta erraustea beste aukerarik ez dagoen kasuetan.
Eusko Jaurlaritzako Enplegu eta Gizarte Gaietarako Sailak atzo goizean jakinarazi zituen biharko deituta dagoen greba orokorrean bermatu beharreko gutxieneko zerbitzuak. Gainera, Jaurlaritzak zehaztu du gutxieneko zerbitzuak, ahal den neurrian, greba egiteko asmorik ez duten langileek bete beharko direla. Besteak beste, garraioen %30ek funtzionatu beharko dute derrigor, lanera joateko eta itzultzeko ordutegiak aintzat hartuta. Hezkuntzan, publikoan nahiz pribatuan, ikastetxe bakoitzean zuzendaritzako pertson bat egon beharko da sarrera bermatzeko, eta irakasle bana, goizean eta arratsaldean. Haurreskola guztietan, pertsona bana arituko dira beharrean gutxienez. Unibertsitatean, berriz, atezain bana izango da lanean goizez eta arratsaldez, eraikin bakoitzean. Bestalde, administrazio publikoetan, agirien erregistroan langile bat egon beharko da lan txanda bakoitzeko. Argazkian, pintaketa Areetako metro geltokian, aurreko greban.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun