Europa Press albiste agentziak zabaldutakoaren arabera, greba eguneko lehen orduetan ezarritako gutxieneko zerbitzuak betetzen ari direla adierazi du Metro Bilbaok. "El Correo Español" egunkariaren arabera, ordea, "goizeko 8etan %60ko zerbitzua" ematen ari zirela esan du garraio enpresak, "nahiz eta ordu erdiko atzerapenak sortu". Trenen ordutegian beraien webgunean kontsultatzeko gomendatu die bidaiariei Metro Bilbaok. Eusko Jaurlaritzako Enplegu eta Gizarte Gaietarako Sailak herenegun goizean jakinarazi zituen greba orokorrean bermatu beharreko gutxieneko zerbitzuak. Gainera, Jaurlaritzak zehaztu zuen gutxieneko zerbitzuak, ahal den neurrian, greba egiteko asmorik ez duten langileek bete beharko direla. Besteak beste, garraioen %30ek funtzionatu beharko dute derrigor, lanera joateko eta itzultzeko ordutegiak aintzat hartuta. Sindikatuek, ordea, gehiegizkotzat jo dituzte. Argazkian, pintaketa Areetako metro geltokian, aurreko greban.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun