Bide horretan, "askatasun ametsaren bidean den-dena, bizitza ere eman" zutenen "bizitza eta lekukotza gure historiaren alde zatiezina da", argitu dutenez. Gainera, aldarrikatu dituzte "errepresioaren eta ukazioaren kolpeei duintasunez aurre egin zieten" militante guztiak: "gureak dira eta gure egiten dugu beren konpromisoa". "Dena eman zuten guztien itzala eta haiei esker izango dugun askatasuna beti burua tente ibiltzeko herri ikurra eta herri ikurra eta herri ondare" direla gaineratuta.
Horiek esanda, Euskal Herrian abiatutako prozesuan, "oraindik konpontzear dagoen gatazkari bidezko konponbidea emateko erabateko konpromisoa" dutela adierazi dute, akordio politiko eta demokratikoa ahalbidetuko duen konponbidea lortzeko lana egingo dutela aginduz, "hori baita berme bakarra jasandako bidegabekeriak eta mina errepika ez daitezen".
Gudari Egunarekin bat eginez, 100 bat lagun batu da bart Algortan, Txiki eta Otaegi plazan, Eustakio Mendizabal "Txikia", Xabier Galdeano, Aitor Elortza eta eusko gudari oro omentzeko. Bildutakoek aurreskua eta lore eskaintza egin diete Espainiako Polizia frankistak, GALek eta erbesteak hildakoei. Horretaz gain, "askatasunaren ametsaren bidean" egungo egoera politikoaren irakurketa egin dute. Haien aburuz, Euskal Herriko gaur egungo gatazka politikoak oinarri ideologikoak ditu eta Estatu espainiarrak zein frantsesak "eraso etengabea" egin diote Euskal Herriari eta "errepresio bide guztiak erabili dituzte hizkuntza, kultura, nazio kontzientzia eta erresistentzia itzaltzeko". Estatuek ideologia hegemonikoa ezarri eta "egi osoa ezkutatu" dutela kexatu dira, "herri kontzientzia ezabatu arte". Horregatik, euskal gatazkan gertatutakoaren egia eta oroimena jakitea aldarrikatu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun