Behin eskaera beteta eta sinatuta, Correoseko bulego batean aurkeztu behar da. Jasotzeko ardura duen funtzionarioak hautesleari DNIa eskatuko dio eta sinadurarekin bat egiten duela egiaztatuko du. Urriaren 15a baino lehen, hautesle-erroldaren bulegoko dagokion ordezkaritzak hautesleak adierazitako helbidera honako agiriak bidaliko ditu posta ziurtatu bidez:
- Hauteskunde-erroldaren inskripzio egiaztagiria.
- Bozkatzea dagokion hauteskunde-mahaiko buruari zuzendutako gutun-azala.
- "Eusko Legebiltzarrerako Hauteskundeak 2012 Elecciones al Parlamento Vasco" idazpurua daraman gutun-azala, txartela bertan sartzeko.
- Agertutako hautagaitza bakoitzaren txartela.
- Jarraibide-orria.
Agiri horiek eskura izanda, hautesleak babestu nahi duen hautagaitzaren txartela hautatu beharko du eta "Eusko Legebiltzarrerako Hauteskundeak 2012 Elecciones al Parlamento Vasco" lelopeko bozketa gutun-azalean sartu, ondoren itxiko duena. Azkenik, hauteskunde-mahaiko buruari zuzendutako gutun-azalean, hautesle-erroldako inskripzio ziurtagiria eta hautatutako txartela jasotzen duen bozketa gutun-azala gaineratu beharko ditu. Bidalketa horrek ez du frankeorik behar, baina doako eta premiazko posta ziurtatu bidez bidali beharko da. Correoseko edozein bulegotan uzteko azken eguna urriaren 17a da.
Hautesle-erroldaren bulegoko datuen bidez, pasa den autonomia-hauteskundeetan, 43.168 pertsonek eskatu zuten posta bidez bozkatzea. Horietatik, 5.424k Araban egin zuten, 25.502k Bizkaian eta 12.242k Gipuzkoan.
Urriaren 11n Euskal Autonomia Erkidegoan bizi direnek hilaren 21eko Eusko Legebiltzarrerako Hauteskundeetarako posta bidezko botoa eskatu ahal izateko epea itxiko da, Eusko Jaurlaritzaren Herrizaingo Sailak gogoratu duenez. Boto mota horren bidez, hauteskundeen egunean kanpoan egoteko asmoa duten pertsonek eta, gaixotasun edo ezgaitasun fisikoagatik, bozketa lekuan bertaratu ezin diren pertsonek euren eskubidea erabil dezakete. Gaixotasun edo ezgaitasun fisikoko kasuetan (egoera horiek mediku ziurtagiri ofizial bidez bermatu behar dira) eskaera notario baten edo kontsularen baimena duen beste pertsona batek egin dezake. Posta bidez bozkatzeko interesa duten hautesleek Correoseko edozein bulegotan eskatu behar dute. Urriaren 18an hautesleek, posta ziurtatu bidez eta dohainik, aukeratutako txartela dagokien hauteskunde-mahaira bidaltzeko duten epea amaituko da. Argazkian, Algortako San Inazio eskolako hautes-mahai bateko kidea hautestontziak lekuz aldatzen, 2011ko maiatzaren 22an udal eta foru hauteskunde egunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun