Ismene Sanchez Mendezek egin du Bizkaiko Fauna Basatia Sendatzeko Zentroko fauna exotikoaren erregistroei buruzko azterlana, EHUko Zientzia eta Teknologia Fakultateko Zoologia eta Animalia Zelulen Biologia Saileko Biodibertsitate, Funtzionamendu eta Ekosistemen Gestioa Unibertsitate Masterraren barruan. Ikerketan, beste datu batzuk ondorioztatzen dira: hegaztiak dira fauna-talde nagusia (kanarioak, ahateak eta usapalak), eta narrasti asko daude (Floridako dortoka ugari). Ugaztunen artean, hudoak eta bisoi amerikarrak dira nagusi.
Urte osoan hartzen dira animaliak Bizkaiko Fauna Basatia Sendatzeko Zentroan; baina, batez ere, udaberrian eta udan, ziurrenik oporraldietan maskota asko abandonatzen direlako. Gehienetan, Base Gorriko langileek eramaten dituzte animaliak zentroa; baina, beste batzuetan partikularrek eramaten dituzte, normalean animaliak utzi nahi dituztelako. Animalia gehienak zentroan geratzen dira irtenbide bat aurkitu arte. Batzuetan, partikularren esku uzten dira; beste batzuetan, berriz, animaliak sendatzeko beste zentro batzuetara, hezkuntza-zentroetara edo zoologikoetara eramaten dira.
Gorlizko Fauna Basatia Sendatzeko Zentroan lagundutako fauna exotikoari buruzko lan batek kuantifikatu du 2.340 animalia tratatu direla aipatu zerbitzuan, zentroa 1999an abiarazi zenetik 2011ra arte, Bizkaiko Foru Aldundiak zabaldu duenez. 118 espezietakoak dira animaliak; gehienak modu puntualean erregistratu dira, eta urtez urte gero eta gehiago dira. Irene Pardo Nekazaritza diputatuaren esanetan, legeria espezifikorik ezak, animaliak erosteko gaur egungo erraztasunak eta etologiari eta haren ondorioei buruzko ezagutza ezak funtsezko egiten dute ingurumen-hezkuntza, eta mezu hori nabarmen utzi nahi dute beti Gorlizko zentroan. Argazkian, Irene Pardo Nekazaritza diputatua / © Bizkaiko Foru Aldundia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun