Leioako Parke honen kasuan helburu bikoitzekoa da: alde batetik, bikaintasun eta berrikuntzaren gunea sortzea unibertsitate eta enpresen arteko harremana estutzeko, eta bestetik, teknologi eta enplegu gaituen enpresa berriak sortzea. Martxan hasten denean 2.500 enplegu inguru sortuko dira, udal leioaztarraren arabera. Jadanik hainbat azpiegitura hasi dira eraikitzen. Egoitza-eraikina, enpresen inkubagailua, Ikerketa Emaitzen Transferentzia Bulegoa eta Informazio eta Aholkularitza Zerbitzuak hartuko dituena.
Biofisika Unitatea ere martxan dago, Europa mailan eta zientzia arloan erreferente bihurtuko den ekipamendua da. Guztira 12.000 metro koadroko azalera izango du eraikinak, hauen erdia laborategientzako zuzendutakoak, eta hau errealitate bihurtzeko 7 miloi euroko aurrekontua erabili izan da. Gainera, Espalazio bidezko Neutroi Iturriaren lehen fasearen obrak ere hasita dira. Guztira, 16 miloi euro inbertsioetan martxan dira.
Urbanizazio lanak
Era berean, Leioako Parke Zientifiko eta Teknologikoaren urbanizazio lanak aurrera doaz, horretarako bideratutako aurrekontua 19 miloi eurokoa izan dela. Besteak beste, Unibertsitate barneko errepidearen bihurketa eta horren ordez erabiltzeko egingo den saihesbidearen obrak, Barandiaran Goikoa institututik Erandio Goikoara arte luzatuko dena.
EHUko Parke Zientifiko eta Teknologikoa inbertsio berriak batuz doa. Guztira, udalerrian agente publikoak eta pribatuak bultzatzen ari diren inbertsioek 60 miloi euro batzen dute, udal iturriek zehaztu dutenez. Irailean Leioako Udalak Animalien Bioteknologia Zentroa eta 1. Plataforma Teknologikoa eraikitzen hasteko baimena eman zuen. Horiekin batera, Biofisika Unitatearen handitzearen baimena ere onartu zuen eta Medikuntza eraikinaren hobetze lanak aurrera ateratzeko baimena ere, TITAN teleskopioa ezartzeko helburuarekin. Lau jarduketa horiek 20 milioi euroko inbertsioa osatzen dute. Jarduketa guzti horiek EHUko Parke Zientifiko eta Teknologikoa osatuko dute. Bere kudeaketa Bizkaiko Parke Zientifikoa eta Teknologikoaren esku dago, Bizkaiko Foru Aldundia, Euskal Herriko Unibertsitatea eta Spri (Eusko Jaurlaritza) osatutako elkarte publikoarekin batera. Leioan martxan dagoen parke hau 184.000 metro koadroko azalera izango du, eta Parke teknologikoak Zamudion eta Derion dituen ekipamenduekin bat egingo da. Argazkia: © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun