Saharari buruzko "El problema" dokumentala egongo da ikusgai ostiralean Sopelan

Ostiral honetan, urriak 5, "El problema" Saharako egoeraren berri ematen duen dokumental zirraragarria ikusteko aukera izango da, Sopelako Kurtzio Kultur Etxean. Emanaldia 19:30ean hasiko da, sarrera doan. "El problema" dokumentalak lau urte luzez Saharan jasotako hainbat lekukotasun islatzen ditu. Modu klandestinoan lortutako irudiak agertzen dira. Izan ere, Marokoko Gobernuak ez du baimenik ematen inolako grabaketarik egiteko. Saharar nortasunaren edozein adierazpen legez kanpokoa da: banderak, kantuak, manifestazio publikoak... Are gehiago, "Sahara" edo "erreferendum" hitzak erabiltzea ez da erreza; denok 'arazoa' deitzen diote euren egoerari. Hortik datorkio izena dokumentalari: "El problema". Argazkian, aurreko batean gurera etorritako saharar umeetako batzuk.