Lehen astean, ostirala urriak 5era arte, "Kuboa"-ren ordutegia honako hau izango da: astelehen, asteazken eta ostegunean, 12:00etatik 17:00etara, eta asteartean eta ostiralean, 11:00etatik 16:00etara. Eta urriaren 8tik 22ra, astelehenetik ostiralera, 11:00etatik 17:00etara. Isabel Garcia, Tokiko Agenda 21-eko arduradun eta Leioako Udaleko herritarren parte-hartze, gizarte-ekintza eta garapenerako laguntza zinegotziak adierazi duenez, “‘Kuboa’ ideiak sukaldatzeko eta fusionatzeko eremu bat da, aurkeztutako ideia, proposamen eta ekimenak aberastu ahal izateko agente desberdinen topaketa sustatzen duena. Jardunbide egokiak bideratzeko topagune bat da honako hau, energiak, erantzukizunak eta ideia guztiak elkarren artean biderkatzeko aukerak elkartzen diren puntua, hain zuzen ere”.
Bere aldetik, Carmelo Garitaonandia EHUko Bizkaiko Campuseko errektoreordearen esanetan, “gizarteari ahalik eta zerbitzurik onena emateko duen konpromisoarekin zintzo jokatuz, ezinbestekoa da gure unibertsitatea era honetako proiektu batean parte hartzea, bere helburua berrikuntzaren eta gizarte osoaren partaidetzaren bitartez ingurune bizigarriago eta osasungarriago bat sortzea baita”.
Asteazken honetan, urriak 3, 12:00etan, Leioa eta Erandioko campuseko Mikel Laboa plazan bere ateak irekiko ditu ingurunea begiratzeko modu berriak ikasiz eta partekatuz jasangarritasunarekin lotutako jardunbide egokiak sustatzeko helburua duen "Kuboa" kristalezko edukiontziak. Tokiko Agenda 21 ekimenaren baitan Leioako Udalak antolatu eta EHUko Bizkaiko Campuseko Errektoreordetzaren laguntza duen ekimen ibiltaria joan den martxotik dago martxan eta udalerri horretako hainbat tokitan egon da kokatuta jada. Urriaren 22ra arte, Leioa eta Erandioko campuseko ikasle, langile eta irakasleek edukiontzi horretara hurreratu eta jasangarritasunari buruz dituzten zalantzak argitzeko aukera izateaz gain, herritarren bizitza kalitatea eta tokiko ingurumena hobetzeko dituzten proposamenak aurkezteko parada ere izango dute, EHUko iturriek zehaztu dutenez. Gainera, gune horren inguruan antolatu diren ekimen dibulgatzaileetan ere parte hartu ahal izango dute. Argazkia: © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun