Sarbide hori kale berri bat izango da ibilgailu eta oinezkoentzat. Auzoko goiko partea Independentzia kalearekin lotuko du, ur andela eta Zavala familiaren etxearen artean, etxe horren mugan, hain zuzen ere. Kale horrek galtzada, espaloia, argiteria, bateriako aparkalekua eta bidegorria izango ditu. Bidegorri hori, gerora, Torresoloko kanpoko igerilekuetara doan bidegorriarekin lotuko da. Hitzarmenaren arabera, lanak urrian bertan hasiko dira, Udalak aurreratuko baitu obraren kostuaren dirua (470.000 euro). Diru hori itzuli egingo dute promotoreek Udalarekin paktatutako epean, tokiko agintarien arabera.
Horrela, lehen fasearen urbanizazio lanak (900.000 euro) eta bigarren faseak barne hartzen duen Txorierriko sarbidearen eraikuntza (470.000 euro) hasiko dira aldi berean. Beraz, etxebizitza libreei dagozkien urbanizazio lanak bakarrik geratuko lirateke egin gabe, momentuz.
Hobekuntza lanak
Azken hilabeteotan, Txorierri auzoan ere bai, Leioako Udalak urbanizazio hobekuntzak egin ditu: kaleak eta galtzadak barrutik asfaltatzea eta pintatzea, adinekoentzako gimnastika aparatuak jartzea, umeentzako josta lekuak berriztatzea eta ponpaketa etxolaren ondoko erremateko urbanizazio lanak. Udalaren inbertsioa 350.000 eurotik gorakoa izan da.
Torresolo inguruko urbanizazioari dagozkion obrak hasi dira, kanpoko kirol eta aisiarako gunetik Ondiz eta Txorierri auzoetarantz, Leioako Udalak jakinarazi duenez. Lanek bi fase desberdin dituzte: lehenengoa, oraintxe hasitakoa, promotoreek ordaindutako 900.000 euroko kostua dauka, eta 230 babes ofizialeko etxebizitza eraikiko diren ingurua urbanizatzean datza, baita gaur egungo Ondizko sarbidea ordezkatuko duen kale berria eraikitzean ere, erabilerraztasunerako araudiak betez. Bigarren fasea, etxebizitza libreen sustapenarekin lotuta dago, eta etxebizitza horiek eraikitzen hasten direnean hasiko da fase hori ere bai. Bigarren fase horren barruan ibilgailu eta oinezkoentzako sarbide berri bat egitea barne hartzen du.Hala ere, Leioako Udalak eta Torresolon lanean ari diren promotoreek, erabilera publikoaz eta ukaezinezko ondasun sozialaz kontziente, lankidetza hitzarmena sinatu dute urbanizazio lanekin hasteko eta Txorierri auzorako sarbide berri bat segituan egiteko. Argazkian, Txorierri ingurua / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun