Ekimeneko kartela
Azken hilabeteotan hedatzen ari den fenomenoa Sopelara ere helduko da: lip dub bideoak. Sopelako Udalak eta Euskara Zerbitzuak antolatu dute Sopel&Dub lehiaketa, eta horren bidez, sopeloztarrek euren sormena lantzeko aukera izango dute, eta sari potoloak eskuratuz gainera, udal iturriek zehaztu dutenez. Sopelako edozein taldek izango du aukera parte hartzeko: koadrilek, ikasle taldeek, kirol taldeek, musika taldeek, kultur taldeek, eta abar. Ezinbesteko baldintza bi baino ez dira egongo. Alde batetik, euskara hutsez abestutako kantak onartuko dira. Izan ere, lehiaketaren helburuetako bat euskararen erabilera bultzatzea da. Bestetik, grabaketa Sopelan egitea behar-beharrezkoa izango da. Eta noski, lip dub bat denez, irudiaren grabazioa sekuentzia planoan (plano bakarrean) egina izan behar da. Ez da bideo ediziorik onartuko, lehenengo bost segundoetan eta azkeneko bost segundoetan izan ezik (bideoaren tituluak eta bestelako errotulazioak sartzeko). Izena emateko hiru bide egongo dira: www.sopelandub.com blogean dagoen formularioa betez; info[abildua]sopelandub.com helbide elektronikora e-posta bat bidaliz; edo 673 322 038 telefono zenbakira mezu bat bidaliz. Taldearen izena, arduradunaren izen-abizenak eta arduradunaren telefonoa bidali beharko da. Lanak aurkezteko epea azaroaren 28ra arte zabalik egongo da. Argazkia: cc-by-nc farlane.
Lip dub-a ikus-entzunezko mota bat da: kantu ezagun bat entzuten den bitartean, bideokamera batek ibilbide bat egiten du, ibilbidean zehar topatzen direnek abestiaren hitzak ezpainez (lip) jarraitu eta dantzaz antzeztu egiten duten bitartean. Gainera, lip dub-a grabatzen arazorik izatekotan, horiek prestatzeko tailerrak eskainiko dira urriaren 22 eta 28ra bitartean. Hori bai, ez da derrigorrezkoa izango tailerretara joatea lehiaketan parte hartzeko. Tailerretara etortzen diren taldeei produkzio lanak antolakuntzatik egitea eskainiko zaie, horretarako beharrezko tresnak eta profesionalak jarriz. Grabaketak azaroaren 9tik 11ra eta 16tik 18ra izango dira. Eta saria izango da noski! Txapeldunek 1.000 euroko bonoa jasoko dute Sopelako dendetan xahutzeko. Urriaren 4an, bestalde, herriko taldeentzat bilera irekia antolatu da, lehiaketaren inguruan argipenak emateko. Hitzordua 19:00etan izango da, Kurtzio Kultur Etxean.
Ekimeneko kartela
Ekimeneko kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun