![](http://farm9.staticflickr.com/8453/8036732294_3a17e9886b_n.jpg)
Itzubaltzeta / Romoko Santa Eugenia plaza, berau erdibitzen duen "lotsaren murrua" eta ondoan eraiki beharreko kultur etxea aipagai izango dituzte gaur auzotarrek, 19:30ean, Lope de Vega kaleko kultur etxean egingo duten bileran. Izan ere, larunbatean
murrua botatzeko saiakeraren ostean Itzubaltzeta / Romoko auzokideek zabaldu zutenez, "benetako parte-hartze prozesua irekitzeko" bidean, "laster, etorkizuneko kultur etxearen inguruan aritzeko asanblada irekiak deituko dira". Gainera, auzokide guztiei parte hartzeko dei egin zieten, "hainbat eta gehiago izanda, indar handiagoa edukiko dugu instituzio 'gor' hauen aurrean". Dena den, ikustekoa da zein izango den
murruaren berrosatzeari eta
Imanol Landa alkateak kaleratutako bandoari auzokideek emango duten erantzuna, haien apustua "plaza berreskuratzeko herri lanetan jarraitzea" baita. Argazkian, larunbatean murrua botatzeko bildutako auzokideak.