Udazkena datorkigu berriro, eta udazkenarekin, erronka berriak eta egin beharreko lanak. Baina oinarrizkoena, zalantza izpirik gabe, aktibitate ekonomikoa sortzen jarraitzea da, lana sortzeko eta aberastasuna banatzeko. Eta gai horretan ere modu onean hasten gara: Leioako Zientzia Parkea unibertsitateko lurretan eraiki eta urbanizatzeko obrak, etxebizitza sustapen desberdinak eta Tokiko Enplegu Planaren diseinua norabide horretarako batu egiten duten errealitateak dira.
Leioak eta leioaztarrok krisi ekonomiko global baten kolpeak sufritzen ditugu, baina indar-guneak, aukerak eta tresnak ditugu, udalerritik ere, soluzioak eskaintzeko. Gure lana da.
Eneko Arruebarrenak gaur bere blogean argitaratutako artikulua
[© Eneko Arruebarrena] Iraila gainera etorri zaigu, eta hilarekin batera, ohiko kontuak. Urtero bezala, egunerokoa geldotzen dela ematen duen abuztuaren ostean, erritmoa itzuli egin da gure herrira. Erritmo hori, gainera, kultura aktibitate anitzarekin batera etorri da gure espazio publiko, kale eta parkeetan. Jendeak gozatzeko gogoa duela garbi geratu da. Ondiz eta Udondoko jaiak, Musikale, Herriguneren inguruko emanaldiak… adibide onak dira. Eta iraila, horretaz guztiaz gain, Txopoetako jaiekin amaitzen da. Jai horiek ixten dute maiatzean, Lamiakoko jaiekin hasi zen denbora-tartea. Ostean, San Joanak, Txorrieko jaiak, Pinuetakoak, Santi Mamikoak eta San Bartolomekoak izan ditugu. Badoa uda eta badoaz jaiak. Argazkian, Eneko Arruebarrena Leioako alkatea / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun