Ikasle Kontseiluko buruak esan duenez, "erakunde batzuek ez diote jaramonik egiten irakaskuntzaren kalitateari. Ikerkuntzagatiko obsesioaren ondorioz, bigarren maila batean uzten ari dira irakaskuntza eta irakasleen prestakuntza, eta horrek eragin oso kaltegarria dauka ikasleen prestakuntzaren kalitatean".
Hizkuntz eskubideen urraketa
Hizkuntz eskubideen arloan, euskarak duen presentzia eskasa kexatzeko gaia dute ikasleek; Castrok esan duenez, “nazioartekotzearen mantrak ezin gaitu itsutu. Ingelesa eta alemana garrantzitsuak dira, baina ezin dugu onartu gaur egun gaztelaniaz 92 master ematea, ingelesez 12 eta euskaraz 4 baino ez”. Horrekin lotuta, adierazi du euskarazko “bizitza” sustatu behar dela unibertsitate-erakundearen barruan, “ikasleek hizkuntza askatasunez hautatzeko daukaten eskubidea errespetatuta”.
Unibertsitate-garraioari dagokionez (oso gai labaina eta ikasleek maiz kritikatu egin dutena), Castroren aburuz, "ez dago unibertsitate-garraioari buruzko politika argirik, eta horrek zaildu egiten du unibertsitatera iristea".
Azkenik, bere haserrea adierazi du, etxebizitza bat arrazoizko prezioan aurkitzeko ikasleek dituzten zailtasunak aipatzerakoan; “gaur egungo egoera ekonomikoak galarazi egiten du ikasle batek, ikasteagatik, etxebizitza bat merkatuko prezioan ordaindu ahal izatea. Formula alternatiboak daudela badakigu”.
Unibertsitate ikasketen kalitatea hobetzeko eskatu du EHUko Ikasle Kontseiluak
EHUko Ikasle Kontseiluak goi-mailako hezkuntzarako sarbidea eta kalitatea hobetzeko neurri zehatzak mahai-gaineratzea eskatu die alderdiei, hauteskundeen atarian. Aratz Castro EHUko Ikasle Kontseiluko buruak ohartarazi du alderdiek aurkeztutako programek "hutsune garrantzitsuak" dituztela arlo hauetan: euskara, irakaskuntza-kalitatea, unibertsitate-garraioa eta etxebizitza lortzeko aukerak. Ildo horretan, ziurtatu du Kontseilua bereziki zorrotza izango dela, eta gobernu berriari zenbait proposamen egingo dizkiola, lau arlo horiek hobetzeko helburuarekin. Horrez gain, nabarmendu du Kontseiluak aurre egingo diela murrizketa-neurriei, horrelakorik ezarri nahi bada. Horrez gain, elkarrizketa gehiago eskatu du unibertsitate-komunitatearekin, bereziki ikasleekin. Argazkian, EHUko Ikasle kontseiluak atzo egindako gosari batzarra / © A. Encinas - EHUko Ikasle kontseilua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun