Gunearen urbanizazioaren bitartez, "plazek, parkek eta Getxoko astirako beste gune batzuek dituzten ezaugarri antzekoetako aldea" sortu nahi du Getxoko Udalak. Horretarako, "jolas guneak eta egoteko aldeak egokitu" nahi dituzte, "horietariko batzuk estalitakoak, eta gune berdea areagotu ere".
Imanol Landa Getxoko alkateak uste du
"estalduraren urbanizazioak Getxoko Andra Mari auzoan eragina zuen aspaldiko auziari amaiera ipintzen dio, bai trenaren trazaketak suposatzen zuen oztopo fisikoari lotutakoari bai antzinako geltokiak suposatzen zuenari. Orain, lurrazpiko metroarekin, inguruko lagunek auzokideen arteko topaketa sustatuko duen gunea eduki ahal izango dute eta horrekin auzoarekin gozatu ere. Horregatik nire poztasuna, auzoarentzat eta orokorrean Getxorentzat hain erabakigarria izango den aurrerapenagatik”.
Bere aldetik, Mikel Torres Garraio Partzuergoko presidenteak uste du "zailtasun tekniko handiko lanek zigortu dituzten kaleen eta orubeen urbanizazioa egiteari ekin behar diogu orain, horiek auzokideengan eragin handia izan dutelako, etxebizitzak oso hurbil daudelako".
Maidagango parke berria urbanizatzeko hitzarmena adostu dute Udalak eta Garraio Partzuergoak
Getxoko Udalak eta Bizkaiko Garraio Partzuergoak Getxoko Maidagan inguruko 3.500 bat metro koadroko espazio publiko berria urbanizatzeko lankidetza hitzarmena adostu dute. Udalak berak jakinarazi duenez, akordioa Bizkaiko Garraio Partzuergoak gaur arratsaldean egingo duen Kontseiluan aurkeztuko da eta ezustekorik ezean berretsiko dute bertan. Hilabeteetako negoziazioen ondoren bi erakundeek bakoitzak izango dituen eginbeharrak adostu dituzte honako arlo hauetan: finantzaketa, aurrera eramango den partaidetza prozesua, proiektuaren ondorengo lizitazioa eta betearaztea. Horrela, estaltzeko urbanizazio lanak Bizkaiko Garraio Partzuergoak ordainduko ditu 800.000 euro baino gehiago bideratuz. Udalak, bere aldetik, proiektuaren idazketa eta Partzuergoak ipinitakoaz gain jarri beharrekoa ordainduko du. Udalak izango da aurrera eramango dituzten lanen betearazteaz arduraduna eta baita auzokideei parkearen definizioa orientatzera lagunduko dituen partaidetza prozesua aurrera eramateaz ere. Argazkian, metroa lurperatzeko lanak martxoan bukatu ziren eta orube berria urbanizatzeko negoziazioak abiatu ziren. Apirilean, berriz, auzokideen partaidetzaren inguruko kezka agertu zuen Getxoko Bilduk.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun