Hautatutako pertsonek etxean jasoko dute izendapenaren berri, Hautes-Batzordearen izenean eta Udaleko langileek emanda. Izendapenaren jakinarazpenarekin batera, egin beharreko lanei, eskubideei eta betebeharrei buruzko gida-liburu bat ere jasoko dute hautatutakoek. Liburuak, legearen arabera, mahaian ez egoteko onartutako arrazoiak egiaztatzeko bidea eta kasu bakoitzean aurkeztu beharreko agiriak ere zehazten ditu. Adibidez, gaixotasun larriagatik edo familia arazoengatik, tartean, 9 hilabete arteko edoskitzeagatik. Interesatuek erreklamazioak Bilbon dagoen Hautes-Batzordean aurkeztu beharko dituzte, bera baita horiei erantzuna emateko eskuduntza duen organoa.
Propaganda
Gaur martxan jarritako hauteskunde kanpainari begira, Hautes-Batzordeak hauteskunde kanpainari lotutako propaganda jartzeko 13 euskarri jartzea baimendu du. Lau euskarri egongo dira Areeta-Romoko hauteskunde-barrutian, zazpi Algortakoan eta bi Getxokoan.
Arauen arabera, propaganda-unitate mugikorrak 10:00etatik 21:00etara ibili ahal izango dira, zaratei dagokien mugak errespetatuz, hau da, baimendutako dezibelioen maila ez gaindituz.
Era berean, ez dago baimenduta, besteak beste, honako hauek egitea: banderatxoak, zintak eta antzekoak jartzea; pegatinak trafikoko seinaletan edo hiri seinaleztapeneko beste elementu batzuetan; banderatxoak, pankartak edo edozein elementu grafiko hesietan, balaustradetan, hormetan, lorategietan eta abarretan eta kartelak Udalak horretarako jarri dituen tokietatik at ipintzea.
1.174 getxoztar hautatuak izan dira datorren urriaren 21eko Hauteskunde Autonomikoetan osatuko diren 98 hautes-mahaietan izateko, pasa den astean burutu zen zozketa publikoan. 18 eta 70 urte bitarteko pertsonak kontuan hartuta, Getxoko hautes-errolda osatzen duten 63.680 bizilagunen artean hautatu zituen ordenagailu batek, udal iturriek zehaztu dutenez. 65 urtetik gorakoek, aukeratuak izan badira, zuzenean uko egin diezaiokete mahai batean parte hartzeari. Zozketa publikoan, ordenagailuak ausazko eran zenbaki bat zehaztu zuen, ondoren, era berean mahaietan egoteko prest egon beharko duten pertsonak eta kargu bakoitzeko ordezkoak aukeratzeko, kasu horretan aipatutako zenbakitik beherako noranzkoan eta 16 zenbaki bakoitzeko kadentziarekin. Mahaietan presidente bat, lehen bokala eta bigarren bokala egongo dira. Ohi bezala, aipatutako kargu bakoitzak bi ordezko edukiko ditu, eta aurreko guztiak agertzen ez diren kasuetarako beste hiru ordezkari gehiago ere izango dira. Era berean, esan, mahaiko presidentea eta ordezkoa izateko batxilergoko titulua eduki behar dela. Argazkian, Imanol Landa alkatea bozkatzen 2011ko maiatzaren 22ko udal eta foru hauteskundeetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun