Bi adingabeko atxilotu dituzte Itzubaltzetan gertatutako indarkeriazko lapurreta batean nahasita egotea egotzita
Ertzaintzak 17 urteko adingabeko mutil bana atxilotu zituen atzo eta herenegun, Itzubaltzeta / Romon gertatutako indarkeriazko lapurreta batean nahasita egotea egotzita. Eusko Jaurlaritzaren Herrizaingo Sailak zabaldutako bertsioaren arabera, gizonezko batek aurkeztu zuen salaketa, goizaldean taberna batetik irteterakoan lau lagunek eraso egin zutela esanez. Biktimaren arabera, konortea galdu zuen erasotzaileek emandako ostikaden ondorioz eta, esnatzerakoan, diru-zorroa (300 euro) eta sakeleko telefonoa falta zitzaiola konturatu zen. Herrizaingo Sailak dioenez, gizonak eta beste lekuko batek emandako lekukotasunei esker atxilotu dituzte egun hauetan ustezko bi lapurrak. Biak ala biak polizia aurrekariak dituzte. Behin komisariara eramanda, aske utzi dituzte, epaileak noiz deitu zain. Halaber, beste bi gaizkileen bila dabil Ertzaintza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun