Leioa eta Erandioko campuseko Ikasle Mugimenduaren aldarrikapenak:
- Hezkuntzako diru partida %14 jaitsi digute. Guk hezkuntzan gastu militarrera zuzentzen den diru guztia hezkuntzan inbertitzea exijitzen dugu ikasleok.
- Unibertsitateetako tasak etengabean igotzen ari dira hezkuntza publikoa pribatura gerturatuz. Horregatik, tasen jaitsiera exijitzen dugu ikasleok.
- Bekak eskuratzeko betebeharrak oro har gogortzen ari dira. Horregatik, beka behar dutenek eskubide hori izatea exijitzen dugu ikasleok.
- DBHko zikloari urte bateko murrizketa egin diote merkatuen mesedetan. Hori dela eta herriari eta herritarrei begirako hezkuntza bat exijitzen dugu ikasleok.
- Eduki instrumentalen indartzea egin da (hizkuntzak, matematika eta zientzia) ikasleon hautagaiak murriztuz. Herritar aske eta kritikoak hezteko hezkuntza exijitzen dugu ikasleok.
- Unibertsitateko maila akademikoa debaluatzen ari dira, kritikotasuna murriztuz eta ikasleak masterrak egitera bultzatuz. Hezkuntza duin eta kritiko bat exijitzen dugu ikasleok.
- Enpresa pribatuek geroz eta finantziazio handiagoa ematen ari dira unibertsitateei. Master el correo, master EITB… ohikoak bihurtu dira. Ikasleok finantziazio publiko bat exijitzen dugu, enpresen esku hartzetik at.
- Curriculumaren %35a soilik egokituko zaio erkidegoei, gainontzekoa Madriletik erabakiko da hizkuntza eta nazio zapalduen kaltetan. Hori dela eta, herri eta nazioak zapaltzen ez dituen hezkuntza bat exijitzen dugu ikasleok.
"Hezkuntza herritik herrirentzat! Erreformei ez!" lelopean, Leioa eta Erandioko campusean ere bat egin dute "espainiar estatuko gainontzeko nazio zapalduetako ikasle mugimenduek" deitutako greba orokorrarekin. Horri jarraiki, asteazkenean, hilak 10, 16:00etan Mikel Laboa plazan jarri dute hitzordua material prestaketa egiteko. Izan ere, 17:30ean, herri eskolak izango dituzte bertan. 20:00etatik aurrera, berriz, itxialdia egingo dute; grebaren prestaketa, jolasak, zinema... izango direla. Hartara, lo zakua, zerria eta afaria eramateko eskatu diete ikasleei. Osteguneko greba egunari dagokionez, goizeko 7:30etik aurrera ibiliko dira piketeak campusean barrena, besteak beste, "apainketa" lanak egiten. 11:30ean, berriz, Mikel Laboa plazatik manifestazioan abiatuko dira Leioara, bertan metroa hartzeko Bilborantz. Izan ere, 12:30ean Arriaga plazatik abiatuko da unibertsitate eta ikastetxe mailako manifestazio nagusia. Argazkian, kanpaldia Leioako campusean aurreko batean / cc-by-nc Topatu.info.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun