Literatur-ekimenaren helburu orokorrak hurrengoak izan dira: jendea euskaraz idaztera eta irakurtzera animatzea eta, lehenengo edizio honetan Getxoko edo aspaldi getxoztartutako argazkilariak eta euren lana sustatzea eta zabaltzea.
Testu lehiaketan 16 urtetik gorako edonork parte hartu ahal izan du; kategoria bietan: bata, SMS bidezkoa (160 karaktere gehienez) eta, bestea, posta elektroniko bidezkoa (100 hitz gehienez). Euskara batuan zein edozein euskalkitan idatz zitezkeen testuak, hori bai argazkietako batean egon beharko zuten oinarrituta. Testu mota guztiak, hau da, prosa, olerkia, bertsoa eta abar onartu dira.
Uribe Kostako Irakurzaleen Txokoak egin zuen lehenengo galbahea, eta ondoren Laura Mintegi, Irati Elorrieta, Unai Elorriaga eta Iñaki Friera idazle getxotarrek osatutako epaimahaiak irailaren 10ean eman zituen ezagutzera irabazleen izenak.
Biharko inaugurazioaren aurretik, goizean, prentsaren aurrean arituko dira antolakuntzaz arduratu diren Koldo Iturbe Getxoko Udaleko Euskara zinegotzia, Lander Solozabal, Egizu Getxo euskara elkartearen izenean, eta Irantzu Sagarminaga "UK" aldizkariko zuzendaria, besteak beste.
ArgiHizkiak erakusketako argazkiak (© Kepa Acero, Gonzalo Azumendi, Ane Basagoiti, Fatima Diez, Naiara Goikoetxea, Jose Ignacio Lobo Altuna, Juan Luis Markaida, Jose Mari Martinez "Bubu", Mikel martinez de Osaba, Oscar Martinez, Konrado Mugertza, Carlos Terreros, Hodei Torres, Peru Urresti eta Pedro Zarrabeitia)
Egizuk, "UK" aldizkariak eta Getxophotok argazkilaritza eta literatura uztartzeko uda aurretik burututako ArgiHizkiak lehiaketako lanik hoberenak ikusgai izango dira bihartik eta hilabetea amaitu arte Algortan. Arratsaldeko 19:30etik aurrera, Torrene kaleko erakusketa gelan kulturzaleak izango dituzte zain Getxoko 15 argazkilariren obrek eta haietatik inspirazioa hartuta lehiakideek eratorritako literatur lan laburrek, sms mezuz edota posta elektronikoz idatzitakoak. Bihar bertan argazkiei egokitutako testuen egileak jakinaraziko badituzte ere, aurretik ezaguna da nortzuen erretratuen erabili diren. Horrela, Kepa Acero, Gonzalo Azumendi, Ane Basagoiti, Fatima Diez, Naiara Goikoetxea, Jose Ignacio Lobo Altuna, Juan Luis Markaida, Jose Mari Martinez "Bubu", Mikel martinez de Osaba, Oscar Martinez, Konrado Mugertza, Carlos Terreros, Hodei Torres, Peru Urresti eta Pedro Zarrabeitiaren irudiez gozatu ahal izango da. Argazkian, Fatima Diezen ekarpena / © Fatima Diez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun