Giza Zientzietako unibertsitate titulua ikasleok unibertsitatearen munduko kezkekin harremanetan jartzen saiatzen da, EHUko iturriek azaldu dutenez. Hautazko ikasgai batzuk edukitzeaz gain, beharrezko gaien artean honelakoak dauzkate: Historia Unibertsala, Artearen Historia, Euskal Kultura, Hizkuntza eta Literatura, Gaur Egungo Egoera Sozial eta Kulturalak, Geografia eta Ekologia, eta abar. Ikasturtea gainditzeko klasera eguneroko etortzea eta parte hartzea baldintzak dira. Eskolak EHU-BBK etxean ematen dira. Hiru solairu eta 1.839 metro koadroko eraikina da. BBK zaharberritu ondoren, Unibertsitateari utzi zion. Birgaikuntza Zazpi Kaleetako eraikin birgaitu onenari eskainitako 2000.eko Surbisa saria eskuratu zuen.
Bestalde, Giza Zientzietako unibertsitate titulua bukatu dutenentzako Helduentzako unibertsitate ikastaroak daude eta bi mailetan banatzen dira. Proiektu hori era ofiziosoan eta ikasleek bultzatuta sortu zen, titulazioa amaitu ondoren akademia jardueretan jarraitzeko gogoa erakutsi baitzuten. 2003-2004 ikasturtetik EHUk ikastaroen ardura hartu du, eta beraz, ofizialtasuna daukate. Eskolak asteko bi arratsaldetan ematen dira Esperientzia Geletako egoitza den EHU-BBk etxean.
Azkenik, ikastegiko Ikasle eta ikasle ohien elkarteak (ACAEX/EGIKE) esperientzia akademikoa luzatu nahi du Unibertsitateak onartzen dituen sei urteetatik harago. Horregatik, ikasketak bukatu dituzten bederatzi promozioek, beren kabuz eta arduraz, hainbat aktibitate antolatzen dituzte kurtsoan zehar erregulartasunez egiten direnak.
EHUko Bizkaiko Campuseko Esperientzia Gelek 2012-13 ikasturteko irekiera egin zuten atzo, urriak 8, EHU-BBK etxean (Banco de España 2, Bilboko Zazpi Kaleak). Ekitaldian izan ziren: Carmelo Garitaonandia, Bizkaiko Campuseko errektoreordea; Jose Urrutikoetxea, Bizkaiko Esperientzia Geletako zuzendaria, eta Jon Mancisidor, Kutxabankeko zuzendariorde nagusia. Ikasturte hasierako hitzaldia, "La política de la vida en la Universidad de las Aulas de la Experiencia", EHUko katedradun Ander Gurrutxagak eman zuen. Guztira 454 ikasle matrikulatu dira nagusientzako unibertsitate horretan aurten, hamahirugarren kurtsoa dena. Haietako 341ek Giza Zientzietako unibertsitate titulua egingo dute, eta gainontzeko 113k helduentzako unibertsitate ikastaroak, Giza Zientzietako unibertsitate titulua eskuratu dutenei zuzendutako kurtsoak. Giza Zientzietako unibertsitate tituluko lehenengo mailetarako eskainitako plazak bete dira, hau da, 95 pertsonak eman dute izena, eta hainbat lagun itxaron zerrenda geratu dira. Ikasleen adina 55-80 urte bitartekoa da eta 63-64 urte da batez bestekoa. Izena eman ahal izateko baldintzak gutxienez 55 urte edukitzea eta lan aktiboan ez egotea dira. Ez zaie titulaziorik eskatzen. Argazkia: © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun