Partaideek, Kultur Etxetik bultzatutako jarrera kritikoa jarraiki, egungo kultura ereduaren inguruko ikuspegia aditzera eman zuten. Eginiko hausnarketen artean nabarmendu behar da bertoko kultura elkarteen sustapenaren eta jardueren hedaduraren arteko oreka lortzearen beharra. Horretarako partaidetza handiagoaren aldeko formulak bultzatzea ezinbestekoa izango da. Halaber, kultura elkarteen eta udaleko arduradunen arteko harremanaz mintzatu zen, beharrezko tresna baita kultura jardueraren eragin estrategikoa, soziala eta ekonomikoa hobetu nahi bada. Herritarren eta bertoko elkarte eta kolektiboen parte-hartzea errazteko asmoz, honako e-posta helbidea sortu da: partaidetza[abildua]getxo.net. Horren bidez iritziak eta iradokizunak eman daitezke.
Hurrengo saioak
Proiektuaren analisi eta diagnosi faseak aurrera egingo du urriaren 17an eta 31n izango diren saioetan. Horietan parte-hartzeko zenbait dinamika garatuko dira honako alderdi hauek aztertzeko: Kultur Etxearen egungo eskaintza, kultura politiken ingurune soziala eta ekonomikoa eta kultur guneen kudeaketa, antolaketa eta baliabideak. Azkenik, azaroaren 7a, fasearen azken saioa izango da. Horretan, aurreko saioetan aztertutako ikuspegi eta alderdiak berrikusiko dira.
Irailaren 27an abiarazi zen Getxo Kultura 2012-2016 proiektuaren diagnosi fasea. Ekimen horrek udalerriko kultur jardueraren eragile den Getxoko Kultur Etxearen funtzionamendu eredua berraztertu eta eguneratzea du xede nagusia, tokiko iturriek adierazi dutenez. Planaren lehenengo saioan, diagnosi faseari dagokiona, 30 bertoko arlo soziokulturaleko 30 eragilek baino gehiagok parte hartu zuten, kultur arduradunen arabera. "Bertan kultura eta gizarte elkarteetako, eta arlo anitzetako (musika, euskara, berdintasuna) kolektiboetako ordezkariek parte hartu zuten eta kultura arloko pertsona nabariek. Halaber, proiektua garatzen ari den Kultiba enpresako eta Kultur Etxeko arduradunak ere egon ziren. Analisi-faseko helburuak azaldu ziren bileran. Horien artean nabarmendu behar da abiaguneko egoeraren azterketa. Horrez baliatuta, zenbait alderdi ikertuko dira, esaterako eskaintza eta eskaria, joerak eta kultura ekoizpena", azaldu dutenez. Argazkian, jazz kontzertua Biotz Alai plazan / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun