2012ko Udako Ikastaroetan, uztailean eta abuztuan, parte hartu zuten ikasleek 10etik 8,5 batekin baloratu dituzte ikastaro horiek, tokiko arduradunek adierazi dutenez. Getxoko Udalak antolatutako ekimen horren 27. ekitaldian 80 neska-mutikok parte hartu zuten. Horiei egindako gogobetetasun-inkestaren arabera, ikasleen %95ek beste pertsona batzuei gomendatuko lieke ikastaroa egitea. Gehien baloratzen dituzten gaiak dira: ikasketak eta kirola tartekatzea, adiskide berriak egiteko aukera izatea eta irakasleek haiei eskainitako arreta. “Udalak urtero antolatu eta 26.000 euroko inbertsioa ekarri duten ikastaro horien helburua, hezkuntza jarduera eragitea da, Lehen Hezkuntzako 6. maila eta DBHko lehen zikloa ikasten ari diren herriko gazteak laguntzeko klaseak emanez. Haien artean dute lehentasuna ikasgaiak gainditu ez dituztenek edota errefortzua behar dutenek honako ikasgai hauetan: Hizkuntza, Matematikak, Euskara eta Ingelesa”, gogoratu du Kepa Miñambres Hezkuntza arloko zinegotziak. Argazkian, ikasketak kirolarekin uztartzen dituzte Udako Ikastaroetan / © Getxoko Udala.
Aipatu ikasgaiekin batera, ikasleei ikasteko teknikak, trebetasun informatikoak eta modu seguruan mugitzeko ezagutzak irakasten zaizkie. Hezkuntza-eskaintza hori osatzeko, kirola egiten dute, Getxo Kirolen instalazioetan. “Bere helburua, ikasketen eta kirolaren aurrean jarrera positiboa sortzea da, norberarenganako konfiantzan eta gazte horien gaitasun eta balioen garapenean oinarritutako jarrera”, azpimarratu du Miñambresek. Ikastaroa Primera Ikastegia Ikasketa Zentroko 8 irakaslek eman dute, Getxo Kirolen instalazioetan, Fadurako antzinako erretegian, Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun