Koldo Iturbe Euskara zinegotziak, bere aldetik, mota honetako ekimenen garrantzia nabarmendu du “alde batetik, bizi dugun garaira egokituta dagoelako, komunikatzeko sistema berrien erabilpenean oinarritzen delako, euskarak bizirik dagoela erakusten eta bestetik, elkarteen arteko kolaborazioaren beste adibide bat delako eta baita Udala eta gizarte eragileren arteko elkarlanarena ere eta hori ere pozgarria da guretzat”.
Lehiaketa
Parte hartzaileek pasa den maiatzean testu laburrak (SMS eta e-postak) aurkeztu zituzten, aurretik aukeratutako udalerriko 15 argazkilariren 15 argazki banatan oinarrituta. Guztira, 81 lagunek hartu dute parte, 107 lanarekin, SMS eta e-postak. Testuen estiloa anitza da (prosa, poesia…) eta bai batueraz bai euskalkietan daude idatzita. Laura Mintegi, Iñaki Frieira, Irati Elorrieta eta Unai Elorriaga idazleek osatutako epaimahaiak SMS eta eposta hoberenak aukeratu zituen. “Oso pozik gaude, lehen edizioa izateko aurkeztu diren partaideen eta testuen kopuruarekin eta gainera kritika onak jaso ditugu, ekimenaren originaltasunagatik, irudiak, testuak eta teknologia berriak batzeagatik. Erakusketa Torrenen amaitu ondoren, beste toki batzuetara eramateko asmoa dugu” azaldu du Lander Solozabal Egizu Getxo Euskaldun! elkarteko ordezkariak.
SMS irabazlea Mikel Martinez de Osabaren argazkian dago oinarrituta, zapatila batzuei buruzkoa eta e-posta Konrado Mugertzaren kateen irudiari lotutakoa da. Kategoria bakoitzeko txapeldunek 300 euro jasoko dituzte. Gainera, argazki bakoitzak testu irabazle bana du, erakusketan ikusgai daudenak.
“ArgIHIzkiak” erakusketa aurkezteko prentsaurrekoa (albuma)
“ArgiHizkiak” lehiaketako 15 argazki eta horietan oinarritutako euskarazko testu labur hoberenak biltzen dituen erakusketa gaur arratsaldetik datorren urriaren 31ra arte bisitatu ahal izango da Algortako Torrene aretoan. Ikusgai dauden testuen artean, lehiaketaren SMS eta posta elektroniko irabazleak ere daude, Goizalde Hernandok eta Iñaki Vidalek idatzita, hurrenez hurren. Getxoko Udalak, Egizu Getxo Euskaldun! elkarteak, "UK" aldizkariak eta Getxophotok antolatutako “ArgIHIzkiak” lehiaketaren helburua, “alde batetik, jendea euskaraz idaztera eta irakurtzera animatzea eta bestetik, udalerriko argazkilariak eta euren lana sustatzea da” azaldu du erakusketaren aurkezpenean Irantzu Sagarminaga "UK" aldizkariko zuzendariak. Erakusketa bisitatzeko ordutegia asteartetik ostiralera 11:00etatik 13:00etara eta 17:00etatik 20:00etara da. Larunbatetan 12:00etatik 14:00etara eta igandetan eta jai egunetan 12:00etatik 14:00etara. Argazkian, goizean egin dute aurkezpen prentsaurrekoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun