Pintxoak eta postreak dira izarrak, baina ez da hori bakarrik izango eskaintza oso honetan. Ongintzazko afarira doazenek hainbat sorpresa hartuko dute hasiera-hasieratik. Gau horretan, Artatza Jauregiak oso dekorazio berezia izango du. Bi DJ ere izango dira, bi giro ezberdin sortuko dituztenak: batean lasaitasuna izango da nagusi, agur, elkarrizketa eta iritziak partekatzeko ideala; eta bestea, dinamikoagoa, gauaz modu aktiboagoan gozatu nahi dutenentzat. Barreak eta umorea Sara Escuderoren eskutik etorriko dira, “El Club de la Comedia” saioak antolatutako V. Bakarrizketa Txapelketaren irabazlea. Eta bitartean, debaldeko edana zerbitzua izango da, 20:30ak eta 00:00ak artean. Ekitaldia amaitu ondoren, gauerdi partean, pertsona bakoitzari Munetaberriren hiru botila txakolin oparituko zaizkio, Unax Cañibanoren aldeko ongintzazko afariaren edizio esklusibokoak. Agur esateko, jankideek txartel bana jasoko dute, Leioako Unico Lounge tabernan edari bat doan hartzeko.
Mugimendu solidarioa
Unax Cañibano 8 urte eta erdiko umea da, jaiotzetik detektatutako bihotzeko oso gaixotasun larria duena. Unaxi irailaren 10ean egin zioten hil ala biziko ebakuntza Children's Hospital izeneko ospitalean, umeentzako medikuntza-zentrorik ospetsuena. Estatu Batuetako ospitaleko egonaldia luzatuko duen pneumoniaren kontra borrokatu eta gainditu ondoren, eboluzioa geldoa da, baina aldi berean, segurua eta positiboa.
Ebakuntzaren lehen ordainketa egin ahal izateko, 150.000 eta 200.000 euro artekoa (Unaxen egonaldiaren arabera, egunean 3000 euroko kostua baitu aurrekontuan sartutako egonaldia gainditu ondoren, gertatu den bezala), Unaxen aitona-amonek etxea hipotekatu behar izan zuten. Fakturaren bigarren zatia ordaintzeko, Unaxen senitarteko eta lagunek elkartea sortu zuten, Unax Bihotzez, baita fundazioa ere: Bihotzalai. Entitate biek, ongintzazko ekimen desberdinen bitartez, mugimendu solidarioa hezurmamitu dute Leioan, aurrekaririk gabekoa Bizkaian, eta leioaztar eta bizkaitar asko harro sentitzeko moduko mugimendu altruista bilakatu da.
Urriaren 17ko ongintzazko afaria azken ekimen solidarioa da. Leioako Udalak Artatzako instalazioak utzi dizkio fundazioari, doan. Horretarako, Udalak instalazio hori erabiltzeko duen egunetariko bat utzi die ekimenaren bultzatzaileei, Eusko Jaurlaritzarena baita higiezina eta itun bat baitago Udalaren erabilerarako egunak zehazteko.
Unax Cañibano ume gaixoaren aldeko afarian parte hartzera deitu du Leioako Udalak
Leioako Udalak herritarrei dei egin nahi die, ahal duten neurrian, Unax Cañibano ume gaixo leioaztarraren alde izango den ongintzazko afarian parte har dezaten. Oturuntza urriaren 17an izango da, asteartea, 20:30etik aurrera, Artatza Jauregian. Afarira joan ahal izateko dohaintza-sarrerak eskuragarri daude jada Kultur Leioan, hilaren 15era arte, 09:00ak eta 21:00ak bitarteko ordutegian. Txartelen prezioa 100 eurokoa da. "Udalak aldez aurretik eskertu nahi du Leioako herritarren erantzuna, gaur arte, solidaritate eta eskuzabaltasun lezioa eman baitute", adierazi dute tokiko agintariek. "Artatza Jauregikoa ez da edonolako afaria izango", udal iturriek diotenez. Hasteko, hamasei pintxo zerbitzatuko dira, zortzi pintxo bero eta zortzi hotz, baita bi postre ere. Gainera, pintxo horiek euskal gastronomiaren lau ikurren eskutik etorriko dira: Martin Berasategik, Eneko Atxak, Fernando Canalesek eta Aitor Elizegik launa pintxo prestatuko dituzte, bi bero eta bi hotz, bertaratuko direnek dasta ditzaten. Postreak Gozoz Goseko Aitziber Aurrekoetxea gozogile bizkaitar ospetsuak prestatuko ditu. Argazkia: © Unax Decorazon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun