Matutek, bere aldetik, krisialdia, langileria, enpresari eta bankariak, proiektu txikitzaileak... izan zituen hizpide. Gogoratu zuenez, Erandion sortu zen "ekologismoa eta langileen borrokaren arteko elkarlana"; 60eko hamarkadan erandioztarrak itotzen ari zen kutsaduraren kontrako protestetan, alegia. Horri jarraiki, mobilizazio horietan Francoren poliziak eraildako Anton Fernandez eta Josu Muruetari gorazarre egin zien. Getxoko EH Bilduk Erandioko atzoko mitinaren bideoak sarean jarri ditu.
Erandioko ekitaldi politikoaren irudiak (album)
Gaur, osteguna, ekitaldi nagusia eskainiko du Sopelan EH Bildu koalizioak. Mitinean hitza hartuko dute Maribi Ugarteburuk eta Leire Pinedok, EAEko hauteskundeetarako zerrendetan bigarren eta hirugarrenak, hurrenez hurren. Hitzordua 19:30ean jarri dute Udaletxe plazan. Atzokoan, berriz, Oskar Matute izan zuen lagun Pinedo sopeloztarrak Erandioko 23a plazan egindako ekitaldi politikoan. Eguraldiari aurre eginez, 150 lagun inguru izan zituzten jarraiki. Argi-mozketen artean, Bego Artze Erandioko Bilduko zinegotziak eman zien txanda bata zein besteari. Pinedok adierazi zuenez, "Euskal Herria Bilduko kideok jendearen aurrean argi eta garbi azaltzen gara, inongo lotsarik eta epelkeriarik gabe. Gure xedea, gizarte moduan eta Euskal Herri gisa berezko zaigun autodeterminazio eskubidea aurrera eramatea da. Era berean, justizia sozialaren alde borrokatuko gara, gure ustez bata ezin baita bestea barik lortu". Argazkian, Leire Pinedo atzo aterkipean Erandion.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun